39 - Çöhrəqanlı niyə aldanır-azır?
Çöhrəqanlı niyə aldanır, azır?
645
Çöhrəqanlı deyir ay “mərdüm azar”,
İstiqlal istəmə ki, Rusya qızar,
Ermənistan da sərhədləri pozar,
Qardaş Türkiyə kökümüzü qazar,
İstiqlalı göndərin arzu gilə,
Federalizmi yedirin xəstə elə.
646
Çöhrəqanlı hər gün bir hava çalır
Gah ayrılır, gah da İranda qalır
İrançıların ... qadasını alır
Çöhrəqanlı xalqı oyuncaq sanır
Dün verdiyi sözləri bugün danır
647
Çöhrəqanlıca İran “gülüstan”dı
O güllərdən biri Azərbaycandı
Onun bu sözündən hamı utandı
Azərbaycanı Farsistan edib çöl
Çöldə heyvan yaşar, gülüstanda gül
648 (Yazqı yazana Allah deyərlər.)
Çöhrəqanlı deyir haqlar “ər”indi
Verilməz haqqın almağı çətindi
Allah kərimdi, “quyusu dərindi”
Allah istəməyir İran bölünə
(Yoxsa milli baclar axmaz gölünə.)
649
Çöhrəqanlı deyir Allaha qul ol
İstiqlal haqqı verməsə yan kül ol
Satıb-xərcləməsi üçün ağ pul ol
Allaha imtiyaz verən millətə
Qulluq etməsən göndərməz “cənnət”ə
650
Silahlanmaq üçün dəstək lazımdır
Dəstəkçidən yana istək lazımdır
İstəksiz dəstəkə “eşşək” lazımdır
Yandaşın istəyi federalizm olsa
Başqa dəstəkçi bul doğma ulusa
651
Çöhrəqanlı sanır Türk qeyrətsizdir
Tarixini unudub, ibrətsizdir
Bütöv Azərbaycana həsrətsizdir
İstəyi öz buludundan yağmayır
Qeyrətindən hesrətindən doğmayır
652 (kənkən ~ quyuçu)
Çöhrəqanlı milli şüurdan qorxur
Yolu həm əyridi, həm çala-çuxur
İstiqlalın başını yerə soxur
Çöhrəqanlı oyadmayır uyudur
Kənkəninyeri qazdığı quyudur
653
Rəşid Dostuma süslü şal lazımdır
Çöhrəqanlıya köhnə mal lazımdır
Azərbaycana istiqlal lazımdır
Dünya federalizmin kökünü qazır
Çöhrəqanlı niyə aldanır-azır?!
654
Çöhrəqanlı bəy özün ilə düz ol!
Az öz-öz de, özünə gəl ki, öz ol!
Milli düşmənlərin tək açıq göz ol!
Yurduna malik olub Fars milləti,
(Federalizm qurtarmaz mülkiyyəti.)
Bağımsızlıq qurtarar mülkiyyeti.
655
Ölkə qurtulsa sənaye qurtular,
Farsa bac verdiyi payı qurtular,
Dili kültürü harayı qurtular,
Baltalanmış orta çayı qurtular,
Türkün ağ ulduzu ayı qurtular,
Butaydan sonra otayı qurtular.
15.10.2004