۱۰۱ - باغيًمسيًز ائدن ديل دئييل کی، پول دور.

باغيًمسيًز ائدن ديل دئييل کی، پول دور.

دئييرلر کی، "بيز هر شئيی بيليريک.".

  "هر شئيی بيلن" بونو بيلمليدير،

    بيلديکلری ديلينه گلمليدير.

1153

ديل ميللتی بيرلشديرمک اوچوندور

اوز صفينده يئرلشديرمک اوچوندور

ائل گوجونو گورلشديرمک اوچوندور

هر ساواشيًن آماجی ايستيقلالديًر

باغيًمسيًز ائدن ديل دئييل کی، پولدور

1154

تورک ميللتی خالقيًنی يادا ساتيًر

خالقيًنی ياديًن سوروسونه قاتيًر

ساغيًلان يوردونون قازانجی باتيًر

بوروکرات بورژووازی نيًن ساغ قولو

يابانجی فيرمالارا ساتار ائلی

1155

تورک ميللتی يوردونو يادا ساتيًر

چاپيًلان يوردونون ثروتی باتيًر

سوموک گميرن تاجير کاما چاتيًر

تيجارت حاققی آلان تورک تاجيری*

تورانی ائديب فارسيًن موسته جيری

 

  *- سيياسی تمثيلجيسيلری کيملرديرلر؟

      بو گون اعلميلر، صاباح اعلميلری دستکله ينلر.

1156

هر ميللت بورژووازيًدان اولوشوب

زلی تکين قانسورماغا آليًشيًب

سوموردوگونون جانيًنا داريًشيًب

بويوک بورژووازی تاجير صينفیدير

کولونی ائدن او صينفين ... کئفیدير

1157

خالق سومورولور کی، سرمايه اولا

سومورولموش قانی يوردوندا قالا

ميللی اينکيشافيًنا چاره قيًلا

کيچيک بورژووازی چاپديًرماز يوردو

باغيًمسيًز ائدر کی، قورويا اوردو

(سيياسی تمثيلجيسی کيمدير؟)

1158

کيچيک بورژووازی ميللی کسيمدير

ميللی روحو اويانديًران نسيمدير

اونو تاجيره بنزه دن ايسيمدير

کيچيک بورژووازی دئوريمچی صينفدير

اونون محصولو ميللی اينکيشافديًر

1159  *- مونتاژ يوخ، آنا فابريکا قورسا.

بوگونکو اصناف تورکون قاضيًسيًديًر

تورانيًن ميللی بورژووازيًسيًديًر

ميللی اينکيشاف اونون آرزيًسيًديًر

آذربايجان صنايئلشميش اولسا*

مونتاژچی اولماريًق باشقا اولوسا

(ايش گوجو ساتماريًق مونتاژچی فارسا)

1160

تورک اصنافی دا ايستر کی، گليشه

باغيًمسيًزليًق ايسته گینی بولوشه

آنا فابريکا قورماغا چاليًشا       چونکو:

مونتاژ فابريکا ايشچی چاليًشديًرار

آنا فابريکاسيًنی گليشديرر

1161

کيچيک بورژووازی نيًن دستکی وار

باغيًمسيًز قيًلماغا خالق ايستکی وار

يئتری قدر ايگيت بابکی وار

دوشمنی مئيداندا يئنمک قولایديًر

ميللی دوولت قورماق زور بير اولایديًر

1162

چين ميللتی نين ساغی يوخ کی، سولو

(کوممونيست دونونا گيرن سول قولو)

چين خالقيًنا گوستردی ميللی يولو

سول قوردو چينده کی ميللی دوولتی

کی صنايئلشديردی مملکتی.*

 

  *- ساغچيًيا اويان تورک مونتاژچی اولوب.

     (چينه ميللی اينکيشافی آچيًسيًندان باخيًنيًز!)

1163

آرازی تام اويرنن يوخدور هله

اويرنمک ايسته مه ينلر وار بئله

بو سببدن تانيًدماييًرلار ائله*

آراز باغيًمسيًزليًغيًن اولچوسودور

چونکو آذربايجانيًن يولچوسودور.  

 

  *- ... تانيًيان قاتيًلماييًر بويکوتچويا،      (سونوج؟)

گوونمه يير بويکوتچو اورگوتچويه.

13.01.2010