۱۰۰ - باکی قاراباغيًما قبير قازيًر.

باکی قاراباغيًما قبير قازيًر.

1147

اون آلتی ايل دئدينيز سوسون، سوسدوق

قاراباغ قان آغلادی، بيز قان قوسدوق

سيًناماق اوچون سسيميزی قيًسديًق

يئتر آرتيًق، سسینی قالديًر گويه

تانيًتديًر دوشمنی هر ايکی تايا

1148

باکيًنی ميللی کوله ائدن يادديًر

ميللی کوله لی یی گيزلدن آدديًر*

ايچی- بوش آدی سئوديرن بدذاتديًر

موسکووانيًن آغزيًنا باخان باکی

ايشقالچيًيا قارشی قوللانماز تانکی

(قاچقيًن تورکه قارشی قوللانار تانکی)**

  

    *- "آد منيم، يار(ايستيقلال)اوزگه نين."

 * *-  اينانماسان او جومله دن صورت حوسئينوودان سور!

1149

خالق چاليًشيًر کی، اوولادی کئچينه

وئرگی اوده يير ... سيلاحلی گوجونه

کی چاره قيًلا ... خوی ايله ... لاچيًنا

ائرمنی وئرگیدن بودجه ساغلاييًر

وئرگیسی، نئفتی اولان تورک ديًغلاييًر

لاچيًنيًن دردی اوره یی داغلاييًر*

 

*- چونکو خويلو دوولتينی، لاچيًنلی تورپاغيًنی ايتيريبدير.

1150

باکی دوولتی آنجاق وئرگی آليًر

يابانجی فيًرمالار اوچون ... يول ساليًر

روشوت گوجويله سوسدورماغا داليًر

تورکون آيديًنيًنی روشوت سوسدورور

بير ميليون قاچقيًن تورکه قان قوسدورور

1151

نئجه کی توی- دویون خالقی اوينادار

ساواش دا خالقيًن قانيًنی قاينادار

گوينه ديجی اوره کلری گوينه در

بير ميليون قاچقيًن تورکون يوردو باتيًر

چونکو اوردوموز يئيير ايچير ياتيًر

1152

باکی نيًن سيلاح آلماغا پولو وار

تورک- اوغلو تورکون دويوشکن ائلی وار

ساواش باشلاتماغا حاقلی يولو وار

باکی قاراباغيًما قبير قازيًر

چونکو روسيا باکيًيا يازقی يازيًر.

08.01.2010