۹۲ - هئچ بير خالقيًن ساغچی کسيمی اولماز.

هئچ بير خالقيًن ساغچی کسيمی اولماز.َ

(قاديًن يازسا بئله بير قورآن يازماز،)

(اوزگه نی بزه مز، اوزو لوت گزمز.)

1105

هئچ بير خالقيًن ساغچی کسيمی اولماز

چونکو دييشمزليگی دوغرو بولماز

دييشديره بيلمه سه اوزو گولمز

ساغچی گئريچی دوزنی قورويار

دييشمز شئی گليشمز کی، چوروير.

 

ساغچی: ... گلنک و گورنکلره، مئوجود دوزنه باغلی قالان سياسی گوروشو

تمثيل ائدن کيشی و يا پارتی. تورک ديل کورومو تورکچه سوزلوک – آنکارا

 

ديققت: "ساغجی" سوزجويونون آچيًقلانميًش آنلاميًنی بو گون آنجاق نئچه ايل

اونجه يه قدر باسيًلميًش اولان تورک ديل کورومو تورکچه سوزلوک

آدلی کيتابلاردا بولا بيلرسينيز، اينتئرنئتده يوخ. (...)

 

1106

ميللتچييه ميللی قايه گرکير

هر قايه اوچون سرمايه گرکير

يوردونو ساتانا دايه گرکير

خالق سومورولور کی، سرمايه اولا

ميللی اينکيشافيًنا چاره بولا*

*-(يوخسا سومورويه سون!)

1107

ساغلام توپلومون مايه سی خالقديًر

اينکيشافيًن سرمايه سی خالقديًر

بورژووازی نيًن دايه سی خالقديًر

هر ميللت اوز خالقيًندان آسيًلیًديًر

چونکو قازانجی خالقيًن محصولودور

1108

ساغلام ميللت ميللی بورژووازيًديًر

ميللی اينکيشافی اوندان راضيًديًر

راضيًلاشان اوزو گرچک قاضيًديًر

فئودال ياپيًلی ميللت ساتيًلار

ميللی دوشمنين صفينه قاتيًلار

1109      کيش و مات!

مووجود دوزنی قورويان ساغچيًديًر

چونکو تنقيدچی دئييل کی، ياغچيًديًر   (يالتاق)

سولچو چاغچيًل آنلاميًندا چاغچيًديًر

سولچو مووجود دوزه نی  دييشديرر

دييشديرن گوجونو گليشديرر

1110

سولچونون دا ايکی آزغيًن طئيفی وار

ساغا قايانلاری ضرورت قووار

سولا قايانلارا چکديرمز آوار

گرچک سولچويا ضرورت يون وئرر

چونکو پيسدن پيسه اونجه سون وئرر

1111

خالقيًن ان آغيًلليًسی سولچوسودور

گرچک سولچو خالقی نيًن اولچوسودور

ساغچی گئريچی صينفين قولچوسودور

ساغچی بيليکلنديرمز کی، اويودار

فاشيست يئتيشديرن بئيين ائييدر.

21.11.2009