۹۰ - بختييار گل گور نه ائدير "شاه"يًميًز؟
بختييارگل گور نه ائدير "شاه"يًميًز؟
1083
بختييار گل گور نه ائدير شاهيًميًز؟
گوره سن "هارا گئدير صاباحيًميًز؟"
نئجه يويولاجاقديًر گوناهيًميًز؟
قاراباغی ايشقال ائتديرن روسيا،
قويماز کی، قورتارا قوردوغو مافيا
1084
روسيا آذربايجاندا حوکوم سورور
قوردوغومافياسيًناپلانقورور
تورک سويلو مافياسی خالقيًمی بورور
تورک سويلو روس مافياسی روتبه آليًر
چونکو قئيرت قيًريًمی يولا ساليًر*
1085 *- يالتاق بختييارلاريًن محصولو بو اولار.
تورک سويلو روس مافياسی دئيير کی، سوس
سوسا بيلمک اوچون قئيرتینی آس
يوخسا مندن يوخ کی، قئيرتيندن کوس
بير ميليوندان آرتيق قاچقيًن چورويور
چونکو قئيرتسيزليک يوردو بورويور*
1086
اون آلتی ايل شاهليًق ائدن سولاله
قاچقيًنا چکديرير آه ايله ناله
اوزو مئی ايچير پيياله- پيياله
وئرگیلر ايله چالديًريًر اويناديًر
قاراباغيًن اوره گینی گويندير
1087
بير گون دربند گئدير، بير گون بورچالی
بير گون گويچه، بير گون زنگه زور چولو
بير گون قاراباغ آدلانان ماحالی
بئله گئتسه يازيًق خویا ماکيًيا
کی لعنت اوخوياجاقلار باکيًيا
1088
قاراباغی ساواش قورتاراجاقديًر
سيلاح ايله گئری قايتاراجاقديًر
وئرگی وئرن ... داوار اوتاراجاقديًر
سيلاحدان باشقا هر شئييميز وارديًر
دوشمنيمين دوشمنی منه يارديًر
يوردومون دوشمنی چاراوغلو چارديًر
ايلگيلی بيليملری دوغرو- دوروست آنلاماديًقلاری اوچون،
ياخود تحقير آماجی ايله آرازيًن بيليمسل، سيياسی، فلسفی
شئيرلرينی شوعار سانان اينکارچی و بويکوتچو بی افنديلر!
آرازيًن شئيری نين يوکو گرچکدير،
بيليمسل اولدوغو اوچون گويچکدير.
سوموروچو روحون کوکونو قازماق اوچون دئملييم کی،
آرازدان اويرنديکلرينيزين ديًشيًندا نه سوندونوز؟
آرازدان اونجه می؟ آرازدان سونرامی؟
14.10.2009