۸۹ - ايلهامی دئويرن قورتارار يوردو.
ايلهامی دئويرن قورتارار يوردو.
(ايکيسيندن بيرينی سئچمه ليييک)
(يا قاراباغ، يادا تورک سويلو روس مافياسی)
(مندن دئمک، سيزدن ائشيتمک)
1076
ائل- اوبا قوربان وئريلمز دوشمانا
ياسی اونوتدوران تارا کامانا*
صبير آشيًلايان دينسل ايمانا
حرکتين محصولو برکتدير
ايتيريلن تار دئييل، مملکتدير. <
*- خايينلر بير- بيرلرينی سئورلر،
ايش باشيًندا قالماق اوچون اوورلر. (ايستانبول شيوه سی)
اينانماسانيًز، ياسيًميًزدا توی توتان علی بابا موعلليم
مممدوولاردان سورونوز!
1077
ائل- اوبا قوربان وئريلمز بوش سوزه
بوش سوز ايستر کی، قورتاريًجی دوزه
دوزومون عومورو يوکسله يوزه
يوز ايلدن سونرا دئيه لر قوی- چيًخ- گئت!
سيًنانميًش سًينانمازی تجروبه ائت!
1078
ائل- اوبا قوربان وئريلمز "ليدر"ه
روس مافياسی نيًن باشچيًسی حئيدره
کی اوغراديًبديًر بوگونکو قدره
ائلچی بيی دئويره بيلن اوردو
ايلهامی دئويرسه قورتارار يوردو
1079
ائل- اوبا قوربان وئريلمز "ريفاه"ا
ريفاه اوچون باتماق اولماز گوناها
قاراباغسيًز نه گرک وارديًر شاها؟
پول- پارا شاه تکين گلدی گئدردیر
ائل- اوبا دييشمز ميللی قدردير
1080 *- اون التی ايلليک "آتشکس"ه
ائل- اوبا قوربان وئريلمز "باريًش"ا*
گئری قايتارمايان ايستر باريًشا
گئری قايتاران گرکدير ساواشا
ائل- اوبا هر ميللت اوچون ناموسدور
ناموسونو قورومايان دييوسدور
1081
ائل- اوبا قوربان وئريلمز اوزگه يه
او اوزگه يه کی، حاکيمدير بولگه يه
يوردومو بولوبدور تيکه- تيکه يه*
يوردومون گوبه ييندکی خانکندی
يوردومدان آيريًلا بيلمز افندی
*- دربند، بورچالی، گويچه، زنگه زور، ايروان، ...
1082
روسيايا تورک سويلو کولفت لازيًمديًر،(قوللوقچو)
حمزه تکين تولکو صيفت لازيًمديًر.
بيزيم اوچون موخاليفت لازيًمديًر
اوتایداکی بوگونکو "موخاليفت"
نه کممييت قازانيًب نه کئيفييت.
12.10.2009