۸۸ - ايچ دوشمن ديًش دوشمنه قوللوق ائدر

 ايچ دوشمنديًش دوشمنه قوللوق ائدر.

ديًش دوشمن بوداقدی، ايچ دوشمن کوکو،

تورکدن باشقا کيمسه يئنمه دی تورکو.

1070

آيديًن کسيم توپلومون موتورودور

خالقيًنی خسته ائدن قوتورودور

قوتور يازاری، قوتور آکتورودور

آيديًنيًن دا قوتورو اولچوب- بيچر

هم ده بولاغيًن گوزوندن سو ايچر

1071

پارا ايله روتبه پايلايان باکی

قوتور آيديًنلارا داشيًديًر يوکو

کی خسته ائده لر تورک اوغلو تورکو

روتبه اوچون ساواشان آيديًن چوخدور

ايچ دوشمنه قارشی ساواشان يوخدور

1072

ايچ دوشمن ديًش دوشمنه قوللوق ائدير

ديًش دوشمنين گئتديگی يولو گئدير

بوگونکو ايچ دوشمن روس مافياسيًديًر

روس مافياسی خالقيًمی آغلار قويوب

ائرمنی ايشقال ائديب، روسيا سويوب

1073      *- دئمه يين دئمه ديلر

اولماز کی، ايشقال ائتديره يوردومو

قويمايا سيلاحلانديًرام اوردومو

"مينسک" ده درمان ائتمه يه درديمی

روس مافياسی قووولماسا يوردومدان

هئچ نه بکله مه مه لیييک اوردومدان*

1074

تورکييه اون آلتی ايل يارديًم ائتدی

اوميدی اوزولدو، صبيری بيتدی

اون آلتی ايلدن سونرا "چيًخدی- گئتدی"

هانسی ياش قورونون اودونا يانار،

ايشقال ائتديرن دوشمنی دوست سانار؟

1075   *- بويکوتا سون!

خالقيًم ايری اولچوب- بيچمه سه ايدی

قئيرتسيز دئپوتات سئچمه سه ايدی

روس مافياسی باشا کئچمه سه ايدی

ايشقال اولموش قاراباغ قورتولموشدو

قاريًن ييًرتانيًن قارنی ييًرتيًلميًشدی.

11.10.2009