۸۷ - اوردوموزو گوندرين پامبيًق اکه.

     اوردوموزو گوندرين پامبيًق اکه.

(دونيانيًن ان رذيل اوردوسو هانسی اوردودور؟)

 (سانکی بيلن يوخدور!)

      (سانکی گوز اونونده دئييل!)

     (اوتانماق دا ياخجی شئيدير.)

1064

عسکريم سن ده وئرگیدن يئييرسن

"يوردومو قورتاراجاغام" دئييرسن

هم ده اوزونو بوشونا اويورسن

يا عسکرليک مسلکینی سئچمزدين

يادا ايش گورمه دن يئييب- ايچمزدين

1065

قئيرتسيز عسکر خالقا نه اويره در؟

قئيرتسيزليک اولکه ده نه توره در؟

قئيرتسيزليک وارليًغيًمی چورودر.

عسکرليک قئيرتی اولمايان يوردداش

باشقا ايش بولماليًديًر کی، ائده باش

1066

چونکو عسکر حاقدا گوتور- قوی اولور

منيم اوولاديًم دا سيزه تای اولور

وئرديگيم قئيرت درسلريم زای اولور

هانسی ايشقال اولموش يوردون اوردوسو،

جانلانديًرماز کی، ديريله "مورده سی"؟

1067       *- آغلايانی يوخدور.

اون سککيز ايلدير کی، قاراباغ "اولوب"

چونکو قوروقچوسو قئيرتسيز اولوب

چالديًريًب، اويناديًب، ايله نيب، گولوب

اولن مادده سی دئييل کی، روحودور    (قئيرتيدير)

اولدورن روس مافياسی نيًن شاهيًديًر

1068  *- 991- ينجی بنده باخيًن!

نه ضييالی ايسته يير دوگون آچا

نه اوردو ايسته يير جانيًندان کئچه

نه ساواش اوچاغيًميًز وار کی، اوچا

قاراباغيًن حاليًنا يانان يوخدور

قاراباغدان دانيًشان باققال چوخدور*

1069

سيلاحيًن يوخسا سيلاحلانديًران  بول

دوستونا دوست، دوشمنينه دوشمن اول

سن ده اوز دردینه اوزون چاره قيًل

اوردوسوندان خئيير گورمه ين اولکه

دئير اوردونو گوندر پامبيًق اکه.

 

ساتقيًن دئمز کی، ساتقيًنام.

ساتقيًنلاريًن اويونونا گلمه يين!

09.10.2009