۸۶ - ميللی ايدئولوژو بيرلشديرر.
ميللی ايدئولوژو بيرلشديرر.
(ايرانچيًليًق فئدئراليستين دينیدير.)
1058
ميللی ايدئولوژو بيرلشديرر
ليدر بيرلشميش سسی گورلشديرر
هر کسی اوز يئرينده يئرلشديرر
ليدر اولماق ايسته ين وارسا گلسين
ليدر اولا بيلمک حاققيًنی آلسين
1059
ايدئولوژوموز ميللتچیليکدير
هدفيميز ميللی دوولتچيليکدير
آسيًلی اولماق رذالتچيليکدير
فئدئراليزم اوزگه دن آسيًلی ائدر*
ايستيقلال اوز توتدوغو يولو گئدر
*- فئدئراليزم حاقيًندا يازديًغيًم بوتون يازيًلاريًمی اوخويونوز کی،
فئدئراليست تورکون ميللی اولماديًغی نيًن سبب لرينی اويرنمک
ايله بيرليکده، فئدئرال حاقلاری آلا بيله جک ميللی گوجوموزو
ايستيقلال حاققيًميًزی آلماق اوچون قوللاناليًم.
1060
ايرانچيًليًق فئدئراليستين دينیدير
اونو ايرانچی ائدن لئنينيدير (دوشونوش طرزی)
تورکو تورک ائدن مممدامينيدير
فئدئرال روسيايا قوللوق ائدن تورک
بو گون فئدئرال ايران اوچون قويور بورک
**- عرب سوزجويونو قوللانديًغيًميًز تقديرده عرب اليفباسی ايله
يازيًلان حرف ايله يازماليًييًق. گميچينين گوزونو چيًخارتمازلار.
1061
تورکون ميللی ايدئولوژوسو وار*
اونو دا البتته "آختاران تاپار"
جهلين يولونو توتوب گئدن ساپار
آرازيزم گوجده ياراغيًميًز يوخدور <<<
اونو بينمه ين قيًسقانج تورک چوخدور
(اونو بويکوت ائدن ايچ دوشمن چوخدور)
*- "۵. ایدئولوژیلار خسته آداملارين هيزلی ائيلم پلانلاريدير، فلسفه
ساغليقلی اينسانلارين اورتاق دوشونمه يه چاغری پلانیدير.
۷ - هئچ بير فلسفه اينساني سيلاهلی موجاديله يه دعوت ائتمز،
فلسفه ده سيلاها يئر يوخدور.
۸ - فلسفه نين طرفداری اولماز، ایدئولوژیلارين طرفداری اولار.
طرفدار اولماق دوشونمه ينلرين ايشيدير." گونتای گنجالپ
1062
آرازيزم دردلره چاره بولوبدور
آلاخ- بولاخی کوکوندن يولوبدور
بو سببدندير کی، بويکوت اولوبدور
آرازيزم هم دريندير هم ده گئنيش
بيليمسل سوزده اولا بيلمز دونوش*
*- تئز ده وارديًر کی، آنتی تئزی يوخدور. <<<
> وار ايسه بويورسون! <
1063 *- هم ده ساده بير ديلده.
آرازيزم هانسی دوگونو آچماييًب؟
هانسی قارانليًغا ايًشيًق ساچماييًب؟
هانسی رقيبی مئيداندان قاچماييًب؟
هانسی تعريفی ايله تحليلينده،*
يانليًشی وار کی، قاليًبديًر الينده؟!
02.10.2009