۸۱ - باشچيًسيًز کوتله نی دوشمن يونه لدر.
باشچيًسيًز کوتله نی دوشمن يونه لدر.
آی گوناز تئوئده چيًخيًش ائدن افنديلر!
اويرنمک ايسته ين اينادچی اولماز.
1004 *- احمد بی اوبالی دئيير.
من ده ... يابانجی فيکيرلر دويورام
دويدوقلاريًمی تاخچايا قويورام
بيرينی ايسترديم سيزه "بويورام":
دئييرلر کی: "باشچی اوتورسون ائوده"
"آياقلانسيًن باشچيًسيًز قالميًش گووده"*
(موسوی- فارس قييامی اره فه سينده)
آغيًلا باخ، آغيًلا!
سودو يوخدور ساغيًلا،
آرازی بويکوت ائديب،
يئر وئريبدير ناغيًلا.
1005
چوبان باشديًر کی، گووده سی قويوندور
ازيلن گووده- ده توپلانان کيندير*
گووده نی بيليکلنديرن بئييندير
تورکون ميللی گووده سی چوخ گوجلودور
بئينينی حبس ائدن تورک چوخ سوچلودور**
*- دئوريمه گرکن کينلری عشقه دونوشدورنلردن بيری
ده فئوداليزمه قوللوق ائدن آنتی تورک شمس تبريزيدير.
**- او ميللی- دئموکرات بئيينلردن بيری ده بالتاجی آرازيًن
يازيًلاريًديًرلار کی، گوناز تئوئنين ايشتيراکچيًلاری دا
بويکوت ائديبلر کی، اوزو قاراليًق کوموره قالا.
البته کی او ايرتيجاچی بئيينلری گئت- گئده راديکاليزه ائدن،
ياخود دون دييشيديرمه گه زورلايان آرازيزمين ائتکيسينی
تاريخيميز ده اونوتماياجاقديًر. "امکلر بوشا چيًخماز."
1006
گووده نی باشسيًز قويارلار کی، آزا
قوللانان اوزگه اونا يازقی يازا
ميللی حرکتينه قبير قازا
دوشمن اوزونو دوست کيمی تانيًدار
باشچيًسيًز گووده نی دوشمن يونه در
1007
چونکو ايران بولونمه گه بويلودور
دئموکرات کيرمانلی دئييل، خويلودور
قوللانان تورک دئييل کی، فارس سويلودور
دئموکراسی پارچالايار ايرانی
آييًرار ايراندان آذربايجانی
1008
فارس ايله فارس باريًشار تورکه قارشی
درينلتمز باشلاتديًغی ساواشی
ايستر قويروق ائده کی، اولا باشی
ساواشی درينلدن شوعارلارديًر
گووده لری يونه لدن باشچيًلارديًر
1009
فارس اويونجاق اولوب رفسنجانليًيا
کی حاکيم قيًلا آذربايجانليًيا
اولکه سی آلتيًن ايله مرجانليًيا
بودور فارسيًن "خئيری" آذربايجانا
قاتيًلما ياراتديًغی ... هيجانا
1010
سن ده باش قالديًرماليًسان فارس تکين
يوخسا محصول وئرمز اکديگين اکين
لاکين فارس قوللوقچولاريًندان چکين
شوعاريًن هم ميللی شوعارلار اولسون
هم ده دئموکراسی شکلينی بولسون.
19.06.2009