۸۰ - فئدئراليست تورکون وطنی ايرانديًر.
فئدئراليست تورکون وطنی ايرانديًر.
فئدئراليستسيز آرتاردی ميللی گوجون،
وورولمازدی دوگون اوستونه دوگون.
996
فئدئراليست تورکون وطنی ايرانديًر
"ايران" ... فارسيستان ايله کورديستانديًر
گيلان ايله "گونئی" آذربايجانديًر
فئدئراليست تورکه بويورسا ايرانی*
بومبالايار "قوزئی"آذربايجانی
*- نئچه ميللتلی ايرانی فئدراليزه ائده جک ايلکه لر
ايله ياسالارا صآديق قالاجاق سيسته ملی دوشونن
فئدئراليست تورکلردن سوز گئدير.
997 *- "ايران آذربايجانی" (هاهاها)
فئدئراليست ايستر کی، ايراندا قالا
يازقيًسيًنا اوزگه دن اونای آلا
اوزگه اونايلايان توته يی چالا
فئدئراليست اوچون تربيز تهرانيًن ديًر(؟!)
"گونئی" آذربايجان دا ايرانيًن ديًر*(؟!)
بوگونکو ايرانيًن اسارتينده قالميًش آذربايجان.
998
اورتاقليًق ايستر ائشيت سسلی اولا*
ايراده سيز ايستر کولگه ده قالا
چوخ نوفوسلو ميللتی حاکيم قيًلا
چوخ ميللتلی فئدئرال بير اولکه ده
آز نوفوسلو ميللت قالار کولگه ده
*- چوخ ميللتلی اولکه ده ميللتلر، آزيًنليًغی ايله
چوخونلوغوندان آسيًلی اولماياراق، ائشيت
حوقوقلو و ائشيت سسلی اولماليًديًرلار.
يوخسا نوفوس ساييًسی باخيًميًندان آزيًنليًغی
اولوشدوران ميللتلر ايستيقلال حاقلاريًنی
ايتيرميش ساييًلارلار.
999 *- کيش و مات!
بيرليگی پوزار اوستونلوق هوسی
رقابته ايتر تورک ايله فارسی
قوللانديًرار کولگه ده قالان سسی
چوخ سس قازانان ميللت يازقی يازار
رقيبين يازديًغی يازقيًنی پوزار*
1000 *- کيش و مات!
فارسيًن ايراندا هم يايغيًن ديلی وار
هم ده آسيميله ائدن ائلی وار
مونتاژ صناييسی ايله ... يولو وار
تورک فارس ايله رقابت ائده بيلمز
يوخسول وارلی يئريشی گئده بيلمز*
(اوردک قاز يئريشی گئده بيلمز)
*- هله فارسيستانيًن چاپديًغی ثروتلرين پايلاشيًلماسی، تحريف اولونموش تاريخين
يئنيدن يازيًلماسی بير يانا قالسيًن.
اولمز آرازيزمينه سيلاحلاناجاق گنج تورکلرين او جومله دن فارس ميللتی نی
ميللی ايئولوژوسونا سيلاحلانديًران فيردووسی نين چوروک (آنتی قاديًن، آنتی-
تورک) اثرينه قارشی قالديًراجاغی دآوآلاريًن دوردورولماسی ايله آذربايجانيًن
ايستيقلالی و بوتوولشمه سی نين دوشمانی اولان فئدئراليزمه قارشی دورمادان
ياغديًراجاغی بومبالاريًن سوندورولمه سی نئجه مومکون اولاجاقديًر؟
1001 *- کيش و مات!
يوخسولون نه يی وار يوخسولا وئره؟
کی يوخسوللاردان يانا ... سينه گره
يوخسول کوله اولار کی، گئده "ار"ه
ائشيت سسلی يوخسول دا کوله اولار
وارلی- رقيبين يانيًندا يئر آلار*
1002
يوخسولو "اورتاق" مجليسده بورارلار
بورماق اوچون "اورتاق" مجليس قورارلار
رقيبی ماسا باشيًندا وورارلار
آزديًران فئدئراليست تورکلری تانی
باغيًمسيًز قيًل "گونئی" آذربايجانی
بوتوولشه لعلی ايله مرجانی
سئوينه نئچه دوولتلی تورانی
1003
ايرانچی دانيًشماز آذربايجاندان
دانيًشسانيًز ايران آدلی زينداندان
حاق وئرين بيز ده دانيًشاق توراندان
فارس کوکنلی او ايران سيزين اولسون
تورک کوکنلی توران دا بيزيم اولسون.
بو يازی يازيًلدی تنقيد ائدسيز، (اينشاآلله)
يوخسا گوسترديگی يولو گئدسيز. (استغفرالالله)
07.06.2009