۷۹ - باکی "وئر يئسين، اورت ياتسيًن." اوره تير.
باکی "وئر يئسين، اورت ياتسيًن." اوره تير.
984
اون سککيز ايلدير کی،صبير اوزانيًر
ايقتيدار ايله ايشقالچی قازانيًر
"ضييالی" کسيم ياسيًمدا بزنير
روس مافياسی توکتدی صبريميزی
ايندی قوللانمالیًييًق جبريميزی
يوخسا قازميًش اولاريًق قبريميزی
985
دوولت "وئر يئسين، اورت ياتسيًن." اوره تير
عارسيًز- ناموسسوز ياشاماق اويره دير <<<
قاراباغيًن اوره گینی گوينه دير
گورسن هارا گئدير صاباحيًميًز؟
نئجه يويولاجاق بو گوناهيًميًز؟
986 اوتانيًرام، اوتانيًرام، ...
آی يوردسئور خالقيًم ايله ميللتيم
اولسايدی منيم ده ميللی دوولتيم
اسارتده قالمازدی مملکتيم
دوولت اونجه تورپاغيًنی قورتارار
سونرا ايلنديرر، ياخود "اوتارار"
987
روس مافياسی ساواش روحو ياراتميًر
چاناق قالا ساواشيًنی آراتميًر
ايلنجه نين مئيدانيًنی دارالتميًر
باکيًنی اويودان روس مافياسيًديًر
حئيدر علييئوين اشقيياسيًديًر
988
بختياريًن ديلی بيزه اوزاندی (بختيار واهابزاده)
چيرکينلر اونون سوزونده بزندی
چونکو اوغلونا سفيرليک قازاندی
دئمک خالق شاعيری ده يالتاق چيًخدی
آذربايجان يالتاق شاعيردن بيًخدی
989
تارچی راميز ... علييئولری اويدو (راميز قولويئو)
چونکو روتبه يئين اوغلو دا دويدو
قاراباغيًن اوره گینه داغ قويدو
دئمک خالق آرتيستی ده يالتاق چيًخدی
آذربايجان يالتاق آرتيستدن بيًخدی
990
قويون اولمايان يئرده اويرميشلر
کئچیيه "عبدالاکريم" دئيرميشلر
دادلانديًرديًقدان سونرا يئيرميشلر
تئلئويزيون کاناللاريًميًزدا
اويوننلردن بيًخيًب ائليميز ده
991 *- آذربايجاندان، ستتارخاندان، ... قازانان باققاللار.
هم يازار، هم شاعير، هم ده ساناتچی*
اولوبلار روتبه چی، ياخود ماناتچی
روتبه، ياخود پول ائديبدير اينادچی
روس مافياسيًنی ايفشا ائدن يوخدور
هم ده به ينديرن سئوديرن چوخدور
اينانما هر "آذربايجان" دئيه نه!
اوولايان آراج- يًنا "جان" دئيه نه! (~يئم، وساييط)
992
ناموسسوزدور بو ايکیيسيندن بيری
يا دوولتين "آرواد"ی، ياخود "ار"ی
کی گئری قايتارماييًبديًرلار يئری
ناموسسوز دئييلسه ناموسلو خالقيًم
ناموسسوز دوولته يئديرر ذه ققوم
993
سوزونو دينله، عمليندن تانی!
باخ گور کيم قورويور آذربايجانی؟
قورتاريًر ايشقال اولونموش ... شوشانی؟
قاراباغ "مينسک" قوروپونون دئييل کی،
"مينسک" قوروپوندان ساتيًن آلا باکی.
994
اونجه تورپاق پروبلئمی چوزولر
سونرا باشقا ايش پئشينده گزيلر
تورپاق اوغروندا هر شئيه دوزولر
تورپاق باشقا ايشلره فدا اولماز
فدا ائدن ميللی دوولت ساييًلماز
995
"هئچ بير آنا بير قاريًش تورپاق دوغماز" (آتاتورک)
هئچ بير اود ياغان يئرده ياغيَش ياغماز
ميللی دوولت ميللی سسينی بوغماز
نه يين يوخدور ميللی دوولتدن باشقا
ميللی دوولت قورماق اوچون گل عاشقا.
13.06.2009