۷۴ - ائلچی بی ين تاختيًندان ائن آشاغی!
ائلچی بی ين تاختيًندان ائن آشاغی!
942
ردد اول آی شارلاتان اوغلو شارلاتان
اون آلتی ايل بارماغيًنا فيًرلادان (اورتا بارماغيًنا)
خالقيًميًن ميللی گوجونو کورلادان
ائلچی بی ين تاختيًندان ائن آشاغی
آی آتاسی تکين روسيا اوشاغی
943
سيز وارسيًز وئرگیدن بسلنمک اوچون*
چالديًريًب اويناديًب ايلنمک اوچون
گولمک سويو تکين ايلنمک اوچون
قاراباغ اوچون آتاتورک لازيًمديًر
روسيا اوچون سيز تکين بورک لازيًمديًر
* - يوخسا بامباشقا بير ايش بولارديًنيًز
944
اون سککيز ايل ايشقال اولونموش تورپاق
سورمازمی هاردايديًن آلچاقدان آلچاق؟
نه بيلسين کی، روسيا ائديب اويونجاق
روسيا هانسی اوشاغی نيًن خئيرینه؟
بيريندن تورپاق آليًر او بيرینه
945 *- ايچی- بوش وعده
دونيا دئمزمی ايتيرن آرايار؟
يوردونو قورويان ايشه يارايار؟
گرکيرسه دوشمنينی تارايار؟
روس اوشاغی نيًن دونياسی روسياديًر
آلچاقدان آلچاغيًن پايی نيسيه دير*
946
من اويونورم کی، آتاتورکوم وار
اوتانيًرام کی، ليدرسيز باکيم وار
ياخود فارس اسارتينده ... ماکيم وار
نئجه چوره گینی يئييب- ياتيًرسيًز؟
قاراباغی آتشکسه ساتيًرسيًز؟
947
سنين اولسايدی لیدرلیک ديرين
کاباب اولسایدی یوردونا جييرين
سنی دستکله یردی یوردسئورین
يئديگين يئييب، ايچديگين ايچميسن
چيًخ- گئت روسيايا کی، اوزون سئچميسن
948
آذربايجانا ... اجئويت لازيًمديًر
هم وئرگی، هم قاز، هم نويوت لازيًمديًر
کيًبريًسی قورتاران ايگيت لازيًمديًر
هم قاز، هم نئفت، هم وئرگی، هم اگيت وار
ايلهامی آنجاق کی، اجئويت قووار
سيلاح اوچون روس رقيبینه يالوار.
17.05.2009
من اولومومدن قورخمايان آرازام
دوغولموشام کی، گرچکلری يازام
... قاراباغيًن پروبلئمينی چوزم
تنقيدچيسينی سئومز خايين ايلهام
هم ده خالقی قورخودان صمد نيکنام*
*- لريستانلی آيت الالله کرّوبی يه سس وئرين دئين، و "مشهدی نين
خطيرينه!" آدلی يازی نيًن يازاريًندان سوز گئدير کی، بالتاجی آرازيًن
قاراباغ حاققيًندا يازديًغی يازيًلاری يايانلاری اولومدن قورخودوردو.