۷۱ - قنيره خانيًم گرچکلری دانيًر!
قنيره خانيًم گرچکلری دانيًر!
(قنيره خانيًم پاشايئوانين Günaz Tvده)
(23.04.2009 تاريخلی چيًخيًشيًنا گوره.)
توپراغی وئرين توپراغی سئونه،
يوخسا اوره ک يانديًريًن بو وطنه.
918
قنيره خانيًم دئيير تورکجه اويره ت
دياسپوراميًمزا ائلئمان اوره ت
بيز توکدويوموز زيبيللری کوره ت
سيياسی ايشلری بيزه بوراخيًن*
سيز آنجاق کولتورل ايشلره باخيًن
*-بوراخديًق، نه ائتدينيز؟؟؟
919
قنيره خانيًم "ساوونور" کرکوکو
کی بللی اولمايا هارداديًر کوکو
اورداديًر کی، قاچقيًن ائتديريب تورکو
دئيير ايشقالچيًيا قاپيًنی آچما
هم ده ايشقال ائتديرن روسدان قاچما
920
قنيره خانيًم ايلهاميًن قولودور
ايلهاميًن يولو روسيانيًن يولودور
کانيًتی* سوزلری يوخ کی، رولودور
قنيره خانيًم گرچکلری دانيًر
ايشقال ائتديرن روسيانی دوست سانيًر
921
قنيره خانيًم کوکو بليردمه يير
کوکو بليردن فيکير يوروتمه يير
دئمک کی،ميللی شوعور اوره تمه يير
ليللنديريلميش سويو دورولتماييًر
روسچو دوولتين سازيًنی کوکله يير
سوچلاری خالقيًن بوينونا يوکله يير
922
قنيره خانيًم سوچلو اوووجلاييًر
ائرمنیدن يانا تورکو سوچلاييًر
تورکييه ايله ايشی سونوجلاييًر
سانکی تورکييه سيز يوردوم قورتولماز،
قاريًن ييًرتانلاريًن قارنی ييًرتيًلماز.
923
قنيره خانيًم تيکراردان دويماييًر
گيزی گيزله دن درينی سويماييًر
بيليگين اوستونه بيليک قويماييًر
هر کسين بيلديگی سوزدن سوز ائدير
بيلمه ديگینی اويرتمه دن گئدير
924
قنيره خانيًميًن آغاسی روسدور
آغاسی نيًن باشقا کوله سی فارسديًر
ائرمنیيه دئيير تورکه قان قوسدور
چونکو تورک واحيد آذربايجانچيًديًر
باشقا جور يوروملايان يالانچيًديًر
925 (روسيانيًن سيياستی)
قنيره خانيًم دئيير گاز سات روسا
UNده دستک وئر ايشقالچی فارسا (BMT-də)
دوشونمه قاراباغ ايله سالماسا
تورکيه يوخ کی، آذربايجان ساپسيًن
تورکيه ساپميًش اولسا های- کوی قوپسون
926 *- صاباحيًميًز هارا گئدير؟
قنيره خانيًم دئيير قوی روس چاپسيًن
باکيًنی سومورسون موسکووا ياپسيًن
قويما آذربايجان روسيادان قوپسون
ائرمنیيه وئريلن روس سيلاحی
تورکه وئريلمز کی، گوره صاباحی*
927 *- ديققت!
قنيره خانيًم دئيير ديلنچی اول
"مينسک" قوروپو تکين "قورتاريًجی" بول
(: "مينسک" قوروپو تکين اوتاريًجی بول!)
گونو گونه سات کی،هم سارار،هم سول
(قوی قانيًن آخسيًن کی هم سارال، هم سول)
"مينسک"قوروپونون صدری ريسکه دالماز
ايشقال اتئديرديگینی گئری آلماز*
928
قنيره خانيًم بيلير کی، قارداش تورک
دوخسان اوچدن ايکی مين دوققوزا دک
قويمادی قيًرپيًنا ائرمنی کوپک
(اون آلتی) ايلی (يوز آلتميًش) ايل ائدن (ابديلشديرن)
نه بکله يير ناموسلو تورکيه دن؟!
25.04.2009