۷۰ - آی قاراباغا خيانت ائدن تورک!
آی قاراباغا خيانت ائدن تورک!
911
آی قاراباغا خيانت ائدن تورک
خايين حئيدرين يولونو گئدن تورک
ابدی شاه اولماغيًنی گودن تورک
روسيا اونجه آتانی سونرا سنی
شاه ائتدی کی، کاما چاتا ائرمنی
912
آی اولموش خايينلری ديريلدن تورک
روسيانيًن پلانيًنی يورودن تورک
قاراباغ قاچقيًنيًنی چورودن تورک
اون آلتی ايل پرئزيدئنت اولدونوز
هانسی درديميزه چاره بولدونوز؟
913
آی ائرمنیدن فارسدان دا آلچاق تورک
آلچاق فارسا قوللوق ائدن قولچاق تورک
کوله ليک اوچون دوغولموش يالتاق تورک
تورکون فارسدان بويوک دوشمنی يوخدور
هانسی تورکون آنتی تورک دوستو چوخدور؟
بوگونکو اردوغان بیلری حاقلی اولاراق قيًنايانلار،
اونجه اوزلرينی قيًناماليًديًرلار کی، اون آلتی ايلدن
بری ايشقالچی ائرمنيستانيًن خئيرينه ميللی قئيرت
اولدورورلر. دئييلمی؟ ... صمد بی نيکنام!
914 *- تورک سويلو روس مافياسی
آی پرئزيدئنت اولماق ايسته ين تورک
روسيا کوله سی قالماق ايسته ين تورک
يوردومو درده سالماق ايسته ين تورک
هانسی تورک قوللوق ائدر فاشيست فارسا؟ (... BMT- ده)
قاراباغی ايشقال ائتديرن روسا؟*
915
آی خالقيًن وئرگيسينی پايلاشان تورک
(آی يوردون ثروتينی پايلاشان تورک)
پايلاشماق اوچون تاختا ايلشن تورک
ميللی دوشمانلار ايله چايلاشان تورک
شاه لازيًمديًر کی، يوردونو قورتارا
لازيًم دئييل کی، قارنيًنی اوتارا
916
آی اون آلتی ايل تاختدا اوتوران تورک
اولو تکين "کفنی باتيًران" تورک
ايشقاليًن عومورونو آرتيًران تورک
ساواش باشلاتماسان گئری آلماغا
نه حاققيًن وار پرئزيدئنت اولماغا؟
917
آی قاراباغی روتبه يه ساتان تورک
شاه اولدوقدان سونرا يئييب- ياتان تورک
آتاسی تکين گوناها باتان تورک
يوردونو قورتاران آتاتورک اولار
ساتقيًنا شاهليًق يوخ کی، لعنت قالار.
16.04.2009