۶۹ - دئييرلر گونتای آغليًنی ايتيريب.
دئييرلر گونتای آغليًنی ايتيريب.
ساغچی تورک هئچ بير ايش گورمه ييب هله،
کی سيًناقدان چئخميًش ساييًلا بيله. (اونودماييًن!)
سولچو تورکلر ميللی حاق ايسته ينده، (1945-1946)
ساغچی تورک شاهچيًيا اولموشدو بنده.* (ساغچی ساتار)
*- شاهچی آيت الالله سيد کاظيم شريعتمداريًيا.
"بو اوردونون قارشيسيندا (فارس دوولتی نين فاشيست اوردوسو. – آراز)
او زامان (1946 – آراز) تبريزين باش موللاسی اولان شريعتمداری
قوربان کسدی. ... فئوداليزمی اورتادان قالديًرماق ميللی حرکتين آماجی
اولمامالی ايدی. ..." گونتای گنجالپ
904 *- ديققت!
دئييرلر لوطفا باتيًرما کفنی
پيشه وری قورتاردی هم وطنی
هم ده تورپاقلاری اکيب- بيچنی
دئييرم پيشه وری پلان قوردو
تورپاغی قورتاران قورتاردی يوردو*
905
دئييرلر دوشمن ارباب اوشاغيًديًر
بئلينده داشيًديًغی قاشيًغيًديًر
اکينچی پيشه وری عاشيقيدير
دئييرم او دوورون پيسی دينچييدی (ساغچی)
خالقيًن سکسن فآييزی اکينچييدی
906
دئييرلر فيرنگ قاديًنيًندان اونجه
آچدی آذربايجان قاديًنی قونچه
سربست اولدو کی، سئوينه دويونجا
دئييرم قارالاسان دا آديًنی (> جناب ساغچيًلار!)
پيشه وریسئوردير تورک قاديًنی (> تورک آيديًنی)
907
دئييرلر فيرقه قورتاردی تورکجه نی
تورکون چاليًنديًغی ميللی بودجه نی
اولدورمه دی فارسا آييد سئرچه نی
دئييرم گونتای آغليًنی ايتيردی
يازدی کی، " تورکجه نی روسيا قورتاردی"!
908 (بودور پيشه وری نين فلسفه سی:)
دئييرلر تورک ايستر دئموکرات اولا
دئموکراسی وئره ايستيقلال آلا
وئرديگی خيراج اوز يوردوندا قالا
دئييرم قانسيًز دئوريم وارسا گوستر
شهيد وئرن رعييت تورپاق ايستر
شهيد وئرن يوخسول خالق ريفاه ايستر
909
دئييرلر ايستيقلال اوردو قوردورار
سيلاحسيًزلانديًران ايشی دوردورار
ايراده اولدورنلری ... بوردورار
دئييرم فيرقه ايستيقلال آلميًشدی
اونايلانماسی سيلاحا قالميًشدی
910 (لوطفا جاوابلانديًريًن!)
دئييرلر کيم قالدی کی، قورتولمايا؟
هانسی پرده قالدی کی، ييًرتيًلمايا؟
هانسی قونو قالدی کی، دارتيًلمايا؟
دئييرم پيشه وری ائوريمچييدی
رئفورميست دئييلدی کی، دئوريمچييدی.
20.12.2008