۶۷- اوز آی- اولدوزونوزو "ائدين" قارا
اوز آی- اولدوزونوزو "ائدين" قارا
879
دئييرلر مایدا يوکسلدی مورالی
چونکو ... هم صالئح، هم احمد اوبالی
آياقلانديًردی اوچ ميليون فعّالی
دئييرم اونجه خالقی آياقلانديًر
سونرا اوز بايراغيًنی داياقلانديًر
880
دئييرلر صالئح ايله چهرگانلی
اولموش فيرقه ميزی ائتديلر جانلی
قوروم اوزو گوردو آذربايجانلی
دئييرم ايش ايش يئرينده گورولر
ايش گورمه ين قوروم ديًشدا قورولار
881
دئييرلر هر قورومون خططی اولار
اوغراديًلميًش دردلره چاره بولار
يوخسا قوخويار گولمکدکی سولار
دئييرم وار سانما هر بير ديرلیيی
دادماسا ايدئولوژيک بيرلييی
882
دئييرلر اونجه تشکيلات قورولار
سونرا بولانميًش ذئهينلر دورولار
سونوجدا ايستک اوستونده دورولار
دئييرم ايدئولوژوسوز "فعّال"
حاق قازانا بيلمز ائده "قيًلو- قال"
ايدئولوژی: سياسی و يا توپلومسال بير اويرتی
اولوشدوران، بير حوکومتين، بير پارتيًنيًن، بير
قوروپون داورانيًشلاريًنا يون وئرن پوليتيک،
حقوقی، بيليمسل، فلسفی، دينی، مورال، استه تيک
دوشونجه لر بوتونو. Türk Dil Kurumu
تورکجه سوزلويو – تورک ديل کورومو - آنکارا
883
دئييرلر چهرگانلی قوروجودور
نه يازيًق کی، گئريچی سوروجودور
گليشمه ديگی اوچون ... گئريچيدير
دئييرم قوروجو اولدوقدان سونرا
اوز آی-اولدوزونوزو "ائدين" قارا!
884
دئييرلر ايری دئير کی، دوغرويام
دوغرودور، اوغرو دئمز کی، اوغرويام
چاليًب- چاپار کی، ايفلاسا اوغرايام
دئييرم ساتقيًن دا بايراق پوزدورار
بوتوولشمه يه قارشی سوز گزديرر
885
دئييرلر ساتقيًنی تانيًماق زوردور
"اولن من ايديم" دئديتديرن گوردور
حالبوکی اوولانانيًن گوزو کوردور
دئييرم ساتقيًن نالا- ميًخا دوير
ايش گورنه قارشی قيًسقانجی اوير
886
دئييرلر قيًسقانج اوزونو ايتيرر
اولولر تکين کفنی باتيًرار
بيلمه دن درد اوستونه درد آرتيًرار
دئييرم ساتقيًن سويو بولانديًرار
پوزوق بايراقلا آغيًز سولانديًرار
887
دئييرلر "بای باک" کی، "تجروبه لی"دير
دئيير سوندوغومز بايراق ميلليدير
دئمک کی، خايين اولدوغو بللیدير
(تایلارا درد کسيلديگی بلليدير)
دئييرم موندار اود توتوب- آليًشماز
دئير "بوتايلی اوتایا قاريًشماز"*
*- "بای باک"يًن سوزجوسو هانسی رئفئراندومون
سونوجوندان دانيًشيًر؟
888
دئييرلر آذربايجانچی بيزدندير
بيری ايپکدندير، بيری بئزدندير
الشديريچی آرازی کوزدندير
دئييرم اويما اووچونون سوزونه
پئشمانليًق فايدا قازانماز اوزونه
889
دئييرلر ساتقيًن ايش گورنی وورار
رقيبلری نين آرخاسيًندا دورار
دولاشيًق سوزلر ايله بئينی يورار
دئييرم ساتقيًنی تانيًماغا قالخ
اونجه "بای باک" يازان يازيًلارا باخ
890
دئييرلر هم "گاموح"، هم ده کی، "گاييًپ"
عئييب ساييًلانی سايمازلار عاييًپ (ايستانبول شيوه سی)
بيلن بيلير کی، کيم يولوندان جاييًپ
دئييرم آيديًنسيًز توپلوم آييًلماز
تجروبه سيز قوروم سوچلو ساييًلماز
891
دئييرلر هم دوست وار، هم ده دوشمان
دوستونو دوشمندن آييًر هر زامان
سهولی دوستلار ايله اولما يامان <<<
دئييرم دوستون "گاموح"دور، "گاييًپ"ديًر
"بای باک" سايتيًنی دوس سانماق عاييًپديًر.
بولونموش آذربايجانی بوتوولشديرمک ايسته ين آذربايجان
خالقی ساتقيًن دئييل کی، بير اوووج تورک سويلو ساتقيًن
تاجير تکين "اراضی بوتوولويو"ندن يانا سومورگه چی
فارس ميللتی نين اويونونا گله.
بئينی سيلاحلانميًش خالقيًن موجاديله سی کوتلويلشر.
کوتلويلشميش موجاديله دونيانی و او جومله دن نالا- ميًخا
دوين ياسالاری دييشديرر و بولونمز ميللتيميزه تک بايراقلی
دوولت قوردورار.
اونا گوره سيلاحلان کی، سيلاحلانديًرا بيله سن.
13.11.2008