۶۴ - امانيًلاريًن قانی يئرده قالماز.

امانيًلاريًن قانی يئرده قالماز.

865

وطن اوغروندا هر کس اوله بيلمز

ائل قمی يئين اوره ک گوله بيلمز

آغلامايان گوز ياشی سيله بيلمز

وطنی ديريلدن روح ايله جانديًر

امانيًلاريًن وئرديکلری قانديًر

866

امانيًلاريًن قانی قيًزيًل قانديًر

او قانيًن محصولو روح ايله جانديًر

هم اوزگور، هم بوتوو آذربايجانديًر

فئدراليزمه قان وئرن شهيد دئييل

يوردونو بوله بيلمز ساغلام مئييل  <

867  (آغاجی اوز ايچيندکی قورد يئير)

فئدئراليست دوشمنلرين يامانيًديًر

بولونمز خالقيًميًزيًن دوشمانيًديًر

وطنين بوتوولشمک زامانیديًر

بئله بير فورصت دوشه بيلمز اله

امانی نيًن قانيًنی وئرمه يئله

868

امانی بابکين يولونو گئتدی

آذربايجانيًنا جان فدا ائتدی

سانماييًن دوشمن موراديًنا يئتدی

امانيًلاريًن قانی يئرده قالماز

شهيدسيز اينقيلاب قلبه چالماز.

12.11.2008