۶۳ - يوردسئور تورک قوربان وئرمز قئيرينه.
يوردسئور تورک قوربان وئرمز قئيرينه.
859 *- ديققت!
تورک سويلو توپدانچی يولوندان "ساپيًر"
اوچ فاييز وئرگی اوچون گيرئو ياپيًر
دئمه يير آذربايجانی کيم چاپيًر*
سکسن ايل چاپديًريًب آذربايجانی
اوچ فاييز ايتيرنده چيًخيًر جانی
860
موللا بولونوبدور نئچه جيناحا
هاميًسی قوللوق ائديرلر آللاها؛
توپدانچيًيا، کومپرادورا، شاها
کمپرادوردان يانا موللا شاهديًر
خامنه لی آديًندا آيت اللاهديًر
861
توپدانچيًدان يانا موللا خاتمی
قورويار موستمله که چی سيسته می
کی فارس دا چاپا تورک سويلو يئتيمی
خاتميلر قورويارلار ساتقيًنی؛
توپدانچی تورکلرين صينفی حاققيًنی
862
ايرانيًن کومپرادورو آللاهديًر
ان بويوک کومپرادورو سيپاهديًر
سيپاهی کومپرادور ائدن سيلاحديًر
توپدانچی نيًن سيلاحلی گوجو يوخدور
سانماسيًن کی، ساتقيًنسئوری چوخدور
863
سيپاهيًن باشچيًلاری فارس سويلودور
کومپرادور توپدانچيًدان بويلودور
وئرگی آلديًران بويلونون گويلودور
يوردسئور تورک قوربان وئرمز قئيرینه
ساتقيًن تورک سويلو توپدانچی خئيرینه
864
فارس شووئنيزمی نين ان گوجلو قولو
سيپاهديًر کی، نه ساغی وار، نه سولو
شووئنيزمه روسيا گوسترير يولو
سيپاهی روسيا سيلاحلانديًريًبديًر
آسيًب- کسمه گه تاماحلانديًريًبديًر.
15.10.2008