۶۲ - آراز بير ايل تنقيد ائتمه يه جکدير.
آراز بير ايل تنقيد ائتمه يه جکدير.
852
آراز بير ايل تنقيد ائتمه يه جکدير
ائتديگی تنقيدلر يئتمه يه جکدير
اکيلمه ين توخوم بيتمه يه جکدير
آی "گاموح" ايله "گاييًپ" سايتلاری
اوخوتدورماييَن کيرلی بئيتلری
853
آراز بير ايل فيکير يورودمه يه جک
فيکيرينه دوشمن توره دمه يه جک
اويره دسينلر دئيه "اويره دمه يه جک" <
آی "گاموح" ايله "گاييًپ" جاهيللری
هاچان قوللاناجاقسيًز آغيًللاری؟
854
آراز بير ايل سيزی سيًناياجاقديًر
سيًناقدان چيًخماساز قيًناياجاقديًر
تانيًمايان سيزی تانيًياجاقديًر
آی "گاموح" ايله "گاييًپ" ليدرلری
بيلکلنديرمه لیسيز اوندرلری
855
آراز بير ايلمئيدان وئرجک سيزه
گوره نه اويره ده جکسينيز بيزه؟
کی بيز ده دوشمنی چوکدورک ديزه
آی "گاموح" ايله "گاييًپ" قوروملاری
دييشديرمه لیسينيز ... دوروملاری
856
آراز بير ايل سيزدن ال چکه جکدير،
گوره "گاموح"، "گاييًپ" نه اکه جکدير؟
يوخسا ايچی- بوش توربا تيکه جکدير؟
آی "گاموح" ايله "گاييًپ" بو نسيلين،
اورتاق ايدئآللاريًندان آسيًليًن!
857
آراز بير ايل سيزی سربست ائده جک
گوره کيم کيمين يولونو گئده جک؟
کيم کيمين خئيرینه کاما يئته جک؟
آی "گاموح" ايله "گاييًپ" موللالاری
عابباسا قنيم کسين ... فهله لری
گاييًپ:
"يا عبّاس، يا عبّاس، تورکی فارسدان ائت خلاص!"
(يعنی ... سيياسته دين دامغاسی باس! - آراز)
(آراز اولماسايدی گئريله ميشديق.)
858
آراز بير ايل خالقا فورصت وئره جک
گوره کيمين اکديگینی دره جک؟
هانسی فيکری ووروب يئره سره جک؟
آی "گاموح" ايله "گاييًپ" سوز اوزوندور
آت اويناتماق اوچون مئيدان سيزيندير.
10.10.2008