۶۰ - آی قوجا، قارتال تربيزيم، باش قالديًر!
آی قوجا، قارتال تربيزيم، باش قالديًر!
آخما درنی "احمقييه"، ساری قالانی "ساريقييه"، ديل بيلمزی
"دلاوران"، و ... آدلانديًران تورک دوشمنی اولان شووئنيست
فارسلار دئييرلر کی:
گويا "تورک شاهی حسين بی قيًران، آتشی [تب] توکولن [ريز]
يئرين آديًنی [تبريز] قويموشدور."
841
آی قوجا،قارتال تربيزيم،باش قالديًر!
ميللی قيياميًن شئيپورونو چالديًر!
ميللی ايستيقلال حاققيًميًزی آلديًر!
يوخسا فارس دوولتی سنی چاپاجاق،
آسيميله اولان خالقيًن ساپاجاق.
842 *- ايستيقلالچی بابک
آی قوجا، قارتال تربيزيم، عوصيان ائت!
دوغرانسان دا بابکين يولونو گئت!*
اولمه سن قالسان ايستيقلاليًنا يئت!
وطن اوولاديًنا عيبرت درسی اول!
ناموسلو اينسان دوُغ- يئتيشدير بول- بول!
843
آی قوجا، قارتال تربيزيم، هاوالان!
کی سنی باغريًنا باسا ... ساوالان، (قهرمان اردبيل)
آذربايجانلی اوينايا ... قاوالان.
سن آذربايجانيًن آغساققاليًسان،
دئوريمچی دوشونجه نين باققاليًسان.
844
آی قوجا، قارتال تربيزيم، حئساب سور!
فارس دوولتيندن کی، تورکو ائدير کور،
يوخسا دوغمازدی کوراوغلو ايله زور.
"ديلقانماز"، "تانری تانيًماز"لاری بول!
کی چنلی بئلچی- يه گوستره لر يول.
845 *- ديققت!
آی قوجا، قارتال تربيزيم، باشا سال!
خالقی بيليکلنديرن ساواشا دال!
آذربايجانيًن ايستيقلاليًنی آل!
ايستيقلالی اولان اولکه چاپيًلماز،
چاپيًلان اولکه ده ايش ده تاپيًلماز.*
846
آی قوجا، قارتال تربيزيم، آرخا بول!
سيلاح قاييًرماديًن کی، ائتديلر قول،
سن ده سيلاحلانديًراندان يانا اول!
سنين ايدئولوژيک سيلاحيًن وار، (آرازيزم)
سيلاحلانميًش ميللی دوشمنی قووار.
847 *- ديققت!
آی قوجا، قارتال تربيزيم، قولاق آس!
۱- ميللی حوکومتيميزی ساتان روس،
۲- قاراباغـيًميًزی اودا آتان روس،
۳- آبخاز خالقی نيًن داديًنا چاتان روس،
قويماز آذربايجاندان ال چکه فارس.
ميللی منفعتلر اولچوب - بيچرلر
دوشمنين رقيبینی دوست سئچرلر.*
16.09.2008