۵۹ - فئوداليزمه قوللوق ائتمک مانديًر.
فئوداليزمه قوللوق ائتمک مانديًر.
835
تاجير فئوداليزمه طبيل چالار
ساتديًغی مالی اوزگه لردن آلار
ميللی اينکيشافيًنی درده سالار
تاجير فئودال ياپيًلی صينيفدير
ساتديًران قازانجی ايله کئفیدير
836
مونتاژچی دوولت تاجير دوولتی دير
چاپيًلان خالق ايله مملکتی دير
توکه تيچی صينيفلر عيللتی دير
توکه تيچی صينف تاجير ايله خاندير
فئوداليزمه قوللوق ائتمک ماندير
837
ميللی بورژووازی دئموکرات اولار
توکه تيچی رئژيمی تاختدان سالار
اوره تيچی يئتيشديرمه يه دالار
ميللی بورژووازی علمی قورتارار
قازانجيًنی اولکه سينده ياتيًرار
838
وطن پرور بوروکرات بورژوازی
ميللی بورژوازيًيا چالار سازی
ياشادار ميللی- دئموکرات آرازی
تئکنولوژو اوره تن گوجدن يانا
قوللوق ائدر يوردو آذربايجانا
839
اوره تيم گوجلری خالقيًن اوزودور
ياپيًچی ايش گوجو ايله سوزودور
ميللی دوشمندن قورويان گوزودور
هارداکی اوره تيم گوجو گليشر
اوردا مولکييت ين شکلی دييشر*
*- فئودالی مولکييت، کاپيتاليستی (شکيل اولاراق اوزه ل و دوولتی) مولکييت،
سوسياليستی مولکييت (کی بو گونه دک دونيا چاپيًندا گرچکلشه بيلمه ميشدير.
چونکو گرچک آنلاميًندا پرولئتاريا دئوريمی گرچکلشه بيلمه ميشدير. چونکو
پرولئتاريا دئوريملرينی کومونيست قيًليًفلی بوروکرات بورژووای يا قاپديًر-
ميًشديًر. سوسياليستی مولکييتين دوغوردوغو دوولتين نيته لييينی (ماهييتينی)
ده آنجاق و آنجاق مارکسيزمدن اويره نه بيليريک.).
840
گئريچیليگی يئره سرمک اوچون
توکه تيچیليگه سون وئرمک اوچون
ميللی آماجيًميًزا ايرمک اوچون
هم ميللی، هم دئموکرات اولماليًييًق
قورتولوش ساواشيًنا دالماليًييًق.
29.06.2008