۵۸ - سيياسته خط وئرن ايقتيصادديًر.
سيياسته خط وئرن ايقتيصادديًر.
811
آذربايجان ايکی قات سومورگه دير
هم فارسا ميللی باج وئرن بولگه دير
هم ده اوجوز ايشچی ساتان اولکه دير
اوتای مونتاژچيًلارا قوللوق ائدير
بوتاييًن هر شئيی آرادان گئدير
812
آذربايجان گورمه يير ميللی گلير
چونکو هم مونتاژ فابريکاسی چاليًر
هم ده کی، فارس سومورگه حاققی آليًر
ايستيقلال ميللی گليری قورتارار
هم ده قانونو ماعاشی آرتيًرار
813
آذربايجان هله ماشيًن قاييًرميًر
اوزونو قويون ائدندن آييًرميًر
آنا فابريکا قورماغا چاغيًرميًر
آذربايجان ماشيًن آليًر توکه دير
چونکو مونتاژچی اوره تن اولکه دير
814
آذربايجانيًن فابريکاسی يوخدور
بو سببدندير کی، ايشسيزی چوخدور
آنجاق کومپرادورونون قارنی توخدور
مونتاژ فابريکا ايش وئرسه ده بيزه
قازانجی ياتيًريًلماز اولکه ميزه
815
آذربايجاندا ايش گوجو اوجوزدور
چونکو ايش وئرن مونتاژچی گودوزدور
بو سببدن ايشچی اوجرتی آزديًر
ميللی بورژووازی آغيًللی اولار
... ساغديًغی قدر بالاسيًنا قالار
816
آذربايجانی ساتديًريًب ساتقيًنی
ميللی کوله ائديب اونون خالقيًنی
ساتيًلمايانيًن يئمزلر حاققيًنی
يوردو قورتولانيًن خالقی قورتولار
چاپيًلمايان اولکه ثروت آرتيًرار
817
آذربايجاندا ساتقيًن حوکوم سورور
خئيرینی سومورگه چی ميللت گورور
يازقی حاققيًندا دانيًشانی وورور
آلله حاق وئرمز کی، يازقی يازاسان
کوله ائدن قانونلاری پوزاسان
818
آذربايجانيًن کندی ايت هوردورور
نوح چاغيًنداکی ياشامی سوردورور
گئريچی ايقتيصاد روشدو دوردورور
کندين سرمايه سی شه هره آخيًر
کيره چی- اکينچی نين ائوين ييًخيًر
بو سببدن يئر اکيب- بيچه نين اولماليًديًر.
819
آذربايجان، سنين نوفوسون آرتيًر
آرتان نوفوسون تارلاسيًنی ساتيًر
او پول ايله ايشسيز- شه هره چاتيًر
کندده يئری يوخدور کی، اکيب- بيچه
شه هردن باشقا يئری يوخدور کوچه
820 *- گولمه، آغلا!
آذربايجان، نييه سن اويونجاقسان؟
بير اوووج کومپرادورا قولچاقسان؟
اولمايا ساتقيًنلار تکين "آلچاق"سان؟
اوره تديگين ايشسيز ايله دللالديًر <
توکه تديگين مال دا يابانجی مالديًر
821
آذربايجان، سن کيمه ديرلیسن؟
سومورگه چی دوولته خئييرليسن
وئرگی وئرن خالقيًنا ضررلیسن
آنا فابريکا قورمايان دوولتی
ياشادما کی، چاپديًرا مملکتی
822 اوره تيچی ~ايستئحصالچی
آذربايجان، ساتقيًن آغيًلی بورار
ميللی دوولت آنا فابريکا قورار
ميللی اينکيشافيًن داليًندا دورار
ائل گوجو اوره تيچی گوجده ياتيًب
ايش گوجونو چاپديًران اولکه باتيًب
823 *- ييًخيًجی ساغی، ياپيًجی سولودور.
آذربايجان، سنين ايش گوجون چوخدور
ميللی بورژووازی نيًن قارنی توخدور
فابريکا قوردورماغا پولو يوخدور
سرمايه ايش گوجونون محصولودور
ساتديًران ساغی، قورويان سولودور
(ماهييت دييشمز، شوبهن اولماسيًن.)
824
آذربايجان، سنی سول قورتاراجاق
خالقی قويون ائدن ساغ اوتاراجاق
چکيلمه ين دردلری آرتيًراجاق
چونکو چين خالقی سولو حاکيم ائتدی
دورد يوز ايلليک يولو قيًرخ ايلده گئتدی
دئييرلر: "علمدن دانيًشما! تجروبه دن دانيًشما!"
بس ندن دانيًشاق؟ <<<
825
آذربايجان، ساغچی ال دييشديرر
سولچوهدف ايله يول دييشديرر
يئرينده سايانی سول دييشديرر
گليشمک ايسته سن سولو حاکيم ائت
يوخسا هر گون بير "ار"ين يولونو گئت
826
آذربايجان، قويما سنی ساتالار
ساتديًران صينيفلر کاما چاتالار
اوزگه نی يازقی ايشینه قاتالار
ديل حاققيًندان باشقا حاقلار باتالار
فئدئراليزم ايشقالی ياساللاشديًرار
ايشقالچی ميللتی خاصالاشديًرار
827 **- آسيميله
آذربايجان، قويما آز چوخو وورا
هر صينف اوز نوفوس ساييًسيًنا گوره
دئپوتات سونماليًديًر مجليس قورا
قويما موللا تکين فيکير يوروده
صينيفلری بير قازاندا* اريده**
*- صينفی پارتی باشقا، جبهه باشقا
828 (سيياستده دينچی عرب جاسوسودور.)
آذربايجان، سنين نه يين اسکيکدير؟
بوتوولشديرجک تاييًن اسکيکدير
بوتایدا سئکولار بی ين اسکيکدير
بوتوولوک ساتيًلماز دينه مذهبه
قوربان وئريلمز گئريچی مکتبه*
*- دين آشيًلايان ايشقالچی عربه
829
آذربايجاندا تورک کولتورو اولوب
چونکو قاديًن ائرککه کوله اولوب
تومروس آناميًن بيرچگینه گولوب
کولتور آليًش- وئريشی چوخ ياخشیديًر
نه دينچی عرب ايله کی، وحشیدير
830 *- ديققت!
آذربايجانی دين گئريچی ائديب
کوهنه عربلرين يولونو گئديب
تاجير ايله فئودال کآما يئتيب
قاديًنی ائرککه دويدورمک اوچون*
ائرککی قات- قات گئريچی ائديب دين
831
دين قويماز کی، آذربايجان گليشه
گليشمک ايسته سه گرک دييشه
اويله دييشه کی، چاغا ايريشه
قاديًن قورتولماسا ائرکک قورتولماز
خالقيًنی بيرلشديرن تورک قورتولماز
832 *- ديققت!
آذربايجان، يولون پيسی سئچيلمز
اينکيشاف تيجارت ايله اولچولمز*
ايچی- بوش ايستيقلالا آند ايچيلمز
ميللی اوز يازقی سيًنی اوزو يازار
آراز اويادماسا البتته آزار
833 *- ديققت!
آذربايجان،يایدان چيًخان سوز اوخدور
سيياستی دوزگون آنلايان يوخدور*
اوزونو سيياسی تانيًدان چوخدور
سيياستی يونه لدن ايقتيصادديًر
خط وئرن صينفی گيزلدن جللادديًر
834
آذربايجان، تملی آراز آتدی
تملين آتيًلماسی باشا چاتدی
بيليمسل شئيری قيًنايان سس باتدی
آرازی مانياق سانان مانياق چوخدور
تئز ده وارديًر کی، آنتی تئزی يوخدور
آرازيزمی تنقيد ائدن اولمادی،
چونکو اوندا يانليًش ايلکه بولمادی.
25.05.2008