۵۶ - "گونو گونه سات!" سيياستی ساتار.
"گونو گونه سات!" سيياستی ساتار.
(ساتقيًنا بوراخيًلان ايتيب- باتار.)
785 *- هر ايکی تايدا
تورک آنجاق تورک الی ايله يئنيلر
تورک آنجاق تورک الی ايله مينيلر
ساتقيًن تانيًنسا مينيلمز ائنيلر
تورکون يوردو او زامان قورتولاجاق*
کی گيزله تيجی پرده ييًرتيًلاجاق
786
تانی شاه حئيدره ليدر دئيه نی!
تانی روس کوله سینه باش ايه نی!
تانی ساتقيًنلاری دستکله يه نی!
توپراق باهاسيًنا روشوت آليًنماز،
ساتقيًن ليدرلره طبيل چاليًنماز.
787
اوتای شهيد وئردی روسيادان قوپا
اونجه قوزئی بولوم ايستيقلال تاپا
سونرا تایلاری واحيد اولکه ياپا
روسيا (ايله ايران) پوزدو پلانی
ايشقالا اوغراتدی آذربايجانی
788
روسيا صورت حوسئينوفو گوندردی
تانکلاری تورکون اوستونه دوندردی
حئيدرعلييئوی تاختا مينديردی
ائلچی بی ين آلديًغی ايستيقلالی
علييئو ائتدی روسيانيًن حالالی
ليدره باخ ليدره،
روس کوله سی حئيدره،
بويون ايدی "قدر"ه،
توپراق گئتدی هدره،
789 *- کوراوغلو اوپئراسی ...
حيدرعلييئو "کئچل همزه" ايدی*
باجاريًغی سيياسی قمزه ايدی
حيله سینی يئديرن ايمضا ايدی
حيدر نوکروف ايقتيداری چالدی
اوزئييردن اويرنمه ين مات قالدی
دئمه حيدر باشقا، حمزه بی باشقا،
حمزه ليک ائتدی اونو "آلنی قاشقا".
790 *- تورک دوشمانی
حيدرعلييئو کيمليگینی داندی
دئدی بوی ديليميز "آذربايجان"دی*
سببینی بيلن اود توتدو ياندی
تورک دونياسيًنی بولن روس خئيرینه
(تایلاری يادلاشديًران روس خئيرينه)
قويمادی "...اوغلو" گله "...اوو" يئرینه
*- او زامان تورکيه تورکجه سی نين آدی ندير؟
گويا تورکجه يوخ، بلکه "تورکيه"دير. (هاهاها)
791
شاه حيدرين اوغلو ايقتيدار اولدو
"گونو گونه سات!" حيله سینه دالدی (آتشکس)
ايشقاليًن عومرو اون بش ايلی بولدو
"گونو گونه سات!" سيياستی ساتار
ايمضاسيًنی ايشقال ائتديرن آتار
792
نييه روس تورک تورپاغيًنی پايلاييًر؟
هانسی تورک روسيايا اوشاق بله يير؟
هانسی تورک دوشمانيًنا دوس سويله يير؟
نئفتیمی يئين، يوردومو ساتان روس
دوشمنمی ساييًلماليًديًر؟ ياخود دوس؟
793
ايقتيداريًن پلانيًنی روس قوروب
ايقتيداريًن آرخاسيًندا روس دوروب
هانسی "ليدر"لری ايقتيدار بوروب؟
قاراباغدان دانيًشان "ليدر" چوخدور
قاراباغا دوشونن ليدر يوخدور*
*- دوولت بودجه سيندن پارتيًلارا آيريًلان پول ايله
اوستول و مقام دآوآسيًنا دوشونورلر.
794
"گونو گونه سات!" سيياستی بيلير؛
ايشقالچی عسکری قئيرته دولور،
تورپاق ايتيرنين قئيرتی اولور.
ايقتيدار ميللی قئيرتی اولدورور
هم ده تورکون ساققاليًنا گولدورور
795 *- دئمه يين دئمه ديلر.
قاچقيًن هم ائو ايتيريب، هم ده وطن
وطنسيز ائوه بنزر روحسوز بدن
روحو اولموشه گئيديررلر کفن
ايقتيدار ائو تيکير روحسوز بدنه
کی گئری قاييًدمايالار وطنه*
796
خالقيًن وئرگیسی ايله نئفت پولوندان
بيرآزآباد اولور يوردون چولوندن (رئکلام اوچون)
قالانی پايلانيًر روشوت يولوندان
هانسی آنا فابريکانی قوردوروب؟
يوخسا، ميللی اينکيشافی دوردوروب.
797
ايقتيداريًن هدفی يورد ساتماقديًر،
ايشقالچی فارسيًن داديًنا چاتماقديًر،*
(روس اوشاغی نيًن داديًنا چاتماقديًر،)**
بو سببده ن ايشی يئييب- ياتماقديًر.
اون بش ايلدير کی، گونو گونه ساتيًب،
ايشقالچی ائرمنيستان کاما چاتيًب.
*- او جومله ده ن BMTده ...
**- سومورگه چی روسيانيًن سومورگه آنلاميًندا گزه گنلری.
798
ايقتيداری دستکله ين ساتقيًنديًر
ساتقيًن سورودن آيريًلميًش خالقيًنديًر
قوربانی... يوردسوز ياشايان قاچقيًنديًر
اوتایدا يورد، بوتایدا تورک ساتيًليًر <
"اتين يئييلير، سومويو آتيًليًر"
799 *- ديققت!
ساتقيًن سنتچی، عاليملر اوتانيًن!
اوغلو دا ساتيًلار ساتقيًن ... آتانيًن
کيمه خئيری وار آلديًغيًن خالتانيًن؟
خالتا اوچون ساتقيًنلارا ساتيًلما!*
قاراباغی ساتانلارا قاتيًلما!
800 **- ۳۷۹- نجو صحيفه يه باخيًن!
آغاداداشا دۀ اوُلسون اريسين
يوخسا خالقی سرييه نی سريسين
حاق يولوندا سويسالار دا دريسين.
ائرمنی اولدورور تورپاق قازانا
حئيدر نه ائتدی کی، عومرو اوزانا؟*
تزه کدن کونفئت اولماز کی، بزه نه**
*- به ينديريرلر کی، تاختدا قالالار،
قاراباغيًن حالواسيًنی چالالار.
801
آی مشهدی عيباديًن فهله لری!
(آی ايلهام نوکراُوون فهله لری)
يئتر آرتيًق، توکمه يين زهله لری!
ساتماييًن روشوته او کلله لری!
اوره ک يوردون دردینه يانماليًديًر،
ساتقيًن ليدردن اوزو دونمه ليًديًر.
802
بو نه ميللتدير؟ بو نه مملکتدير؟
بو نه يوز ايلليک ميللی حرکتدير؟
بو حرکتين نه يی برکتدير؟
هر کس دئيير کی، منی الشديرمه!
خايين چيًخسام قانيًما بلشديرمه!
(روشوت زاده لريمی ملشديرمه!)
قوی اولو تکين کفنی باتيًريًم،
عاليم آدلانيًم، روتبه می آرتيًريًم.
15.05.2008