۵۵ - تورکه آتاتورک تکين ليدر گرک.
تورکه آتاتورک تکين ليدر گرک.
778
پيشه وری چاغداش يوردسئور ايدی
چونکو کند ده دئوريم پالتاری گئيدی
آذربايجان خالقی اونا باش ايدی
پيشه وری ايستيقلالدان "وازکئچدی"
چونکو سيلاحسيًزلانديًران "دوست" سئچدی
(سهولريميزدن اويرنمه لیييک.)
779 (1412- ينجی بنده باخيًن!)
ابولفضل ائلچی بی ايستيقلال آلدی
(ليدرليگی حئيدرعلييئو چالدی)
(قاراباغ ايشقالچی الينده قالدی)
لاييک اولسايدی ايستيقلالچی ليدر،*
ليدرليگی چالا بيلمزدی حئيدر.
*- يئنی دينلديگيم کاستلرينه گوره بير نوو ايسلاميست ايدی.
(يعنی قافاسی جينلرين، موزالانلاريًن مسکنی ايدی.)
780 *- ديققت!
۱- قانی ايله ايستيقلال آلان خالقديًر (آلماديًمی؟)
۲- گئريچینی تاختدان سالان خالقديًر (سالماديًمی؟)
۳- اووچوسونا طبيل چالان خالقديًر (چالماديًمی؟)
چاغداش اول کی، خالقيًنی اوولامايا*
حئيدرعلييئوتکين توولامايا
781
يوردا بوتوولوک ايله ائل لازيًمديًر
ائله ريفاه ايله مورال لازيًمديًر
چاغداشليًق ايله ايستيقلال لازيًمديًر
بونلارا اينانان گرچک ليدردير
افسانه سانان روسقولو حئيدردير
782
يوردسئور اولماق يئترلی دئييلدير
چاغداش اولماسا کئچرلی دئييلدير
ديندن آسيًلی چپرلی دئييلدير
گئريچیيه اوره ک دويونه بيلمز
چپرسيزه کيمسه گوونه بيلمز
*- چپرسيز گاه نالا، گاه ميًخا دوير،
بير گون "لاييک" اولار، بير گون ايسلاميست.
783
ائلچی بی دينين هاراييًنا يئتدی
اووچو حئيدرعـلييئو حاجا گئتدی
کيم دينسيز ائتميشدی کی، دينچی ائتدی؟
ساتقيًنيًن ليدری حاجی حئيدردير
آتاتورک تورکه ياراشان ليدردير*
*- لاييک، سئکولار، يوردسئور، تورکچو، ...
784
تورکه آتاتورک تکين ليدر گرک
گرکيرسه يولوندا شهيد وئرک
اولمه سک قالساق محصولونو درک
آتاتورکون سهوی مونتاژچی ائتدی
قازانديًغی ايستيقلال الدن گئتدی.*
(آنتی فئوداليست چين کآما يئتدی.) (هينديستان يوخ.)
*- هر ايستيقلال دا ايستيقلال ساييًلماز.
09.01.2008