۵۳ - گئجيکمک لازيًمديًر ايشقالچی اوچون.
گئجيکمک لازيًمديًر ايشقالچی اوچون
نه گرک وار چاليًب- چاپان دوولته؟
توپراغيًنی قايتارماسا ميللته.
757
گئجيکمک لازيًمديًر خايين دوولته
توپراقدان پای وئره اوزگه ميللته
خيانت ائده ... يئتيم مملکته
روسياچی تورک توپراغيًنی پايلايار
"ليدرليک" يايلالاريًندا يايلايار
758
گئجيکمک لازيًمديًر ايشقالچی اوچون
کی قورتولوش اوزو گورمه يه ... لاچيًن
سونرا دئيه لر کی، خئيريندن کئچين
گئجيکديرن ايستر ايش- ايشدن کئچه
قاراباغ دا اولا زنگه زور، گويچه
759
گئجيکمک لازيًمديًر جاهيل قارداشا
کی عومورو ساواشسيًز چاتا باشا
هر گون عاشيق اولا بير "قلم قاشا"
گئجيکديرن ايقتيدار قورار دوزاق
کی قاراباغيًميًزی دا اودوزاق
ايقتيدار و "موخاليفت"دن اولوشان رسمی باکی قاراباغی ساتيًب خرجله-
مه سی اوچون، يعنی پوللو روتبه قازانماسی اوچون، گرکنده "سيز ياتيًن،
بيز اوياغيًق" آلاميًندا آلداتيًجی و يوخلاديًجی هاوالار چالديًرماق ايله او-
يونلار اويناماقلا، نه فقط آذربايجانلی تورک ميللتی ايله تورک خالقی نيًن
ميللی ناموسو اولان تاريخی تورپاغيًنی "آتشکس" حيله سی نين يارديًمی
ايله ميللی دوشمنلريميز اولان کوچمن ائرمنیلرين ايختياريًندا قويوبلار،
بلکه اربابلاريًندان قازانديًقلاری پوللو روتبه لرين بهاسيًنا، بولونموش و
ايشقال اولونموش يوردونو قانلاری نيًن بهاسيًنا ايشقالدان قورتاراجاق و
بوتوولشديرجک اوتايلی بوتايلی خالقيًميًزا قئيرتسيزليق روحو آشيًلاييًرلار
کی، آييله لرينی بئله قورويا بيلمه سينلر. بئله ده ايش اولار؟!
760
گئجيکمک لازيًمديًر نئفت فيرماسيًنا
ميللی قئيرتيميزين اولمه سینه
ناموسوموزون الده قالماسيًنا
قئيرتسيز يئتيشديرن ايقتيدارديًر
قئيرت اولدورن ان بويوک قدارديًر
761
گئجيکمک لازيًمديًر اونوتدورماغا
بير ميليون قاچقيًنا قان اوتدورماغا
قاراباغيًن ياسيًنی توتدورماغا
ايلهام دا دئيير قالماز قييامته
قاراباغ "قايتاريًلاجاق" ميللته
"ائششگيم اولمه يونجا بيتينجه،
يونجا بيتمه توربا تيکينجه."
762
گئجيکديرن لازيًمديًر ايشقالچيًيا
کی دوزوم آشيًلايا خيالچيًيا
گوز تيکديره "مينسک" تکين فالچيًيا
ائرمنی آليًبديًر کی، "مينسک" "قايتارا"
تورک ده اوردو قوردوروب کی، اوتارا.*
*- قارداش، قئيرتسيزليگين ده "حددی" وار.
نه گرک وار چاليًب- چاپان دوولته،
تورپاغيًنی قايتارماسا ميللته؟
21.01.2008