۵۲ - اوتان آذربايجانيًميًن ... يازاری!
اوتان آذربايجانيًميًن ... يازاری!
(ياريًنلار توپلاندی اون دورد ايل اولدو،)
(قاراباغيًن صبير کاساسی دولدو.)
743 هاچان اوتاناجاقسيًنيًز؟
اوتان آذربايجانيًميًن "ليدئر"ی
قاراباغی ساتيًب- گئدن حيدری
تاختا چيًخارميًش اوزوندن مونداری
آنکارا اوز ايشینی اوزو گورور
باکی اوزگه يه بوراخيًب کئف سورور ("مينسک"ه)
744 هاچان اوتاناجاقسيًنيًز؟
اوتان آذربايجانيًميًن کيًرالی
روسقولو حئيدرعلييئوين آلی
قورتار ائرمنی اليندن ماحالی
آنکارا چاناق قالادا ساواشيًر
باکی واخت اولدورمک اوچون اوغراشيًر
سوزو بير کره دئيرلر:
اينانما روسقولو حاکيمييته،
ساواشی اوغرادار مغلوبييته.
745 هاچان اوتاناجاقسيًنيًز؟
اوتان آذربايجانيًميًن دوولتی
نييه پایسيًز قويدون موخاليفتی؟
قاراباغا جان يانديًران ميللتی
قاراباغی قورتارمايان دوولتی،
نه اوچون بسله مه ليدير ميللتی؟
746 هاچان اوتاناجاقسيًنيًز؟
اوتان آذربايجانيًميًن ميللتی
نييه قورموسان بو گوجلو دوولتی
کی آتشکسه ساتا مملکتی
قاراباغ دوشمن الينده اسيردير
چونکو دوولت ميللی دئييل، قيًسيًرديًر.
747 هاچان اوتاناجاقسيًنيًز؟
اوتان آذربايجانيًميًن مجليسی
قويما قانون قويا خالقيًن نجيسی
قاراباغ گئدسه چکيلمز آجيًسی
آنکارا قئيرتلی اينسان ائييدير
باکی قاچقيًنی قئيرتسيز بويودور
748 هاچان اوتاناجاقسيًنيًز؟
اوتان آذربايجانيًميًن ساتقيًنی
اينجيتمه ميليوندان آرتيًق قاچقيًنی
قاراباغ اوچون قوللان ... موسيقینی
دردلی خالقيًن اوره گینی سيًخما چوخ
ساواش مارشی لازيًمديًر، موغامات يوخ
749 هاچان اوتاناجاقسيًنيًز؟
اوتان آذربايجانيًميًن تاجيری
حاکيم قيًلما روس اوچوران قجيری
يوز ييرمی مين ائرمنی موسته جيری
قاچقيًن چاديًردا چورويور ايله نير (۱)
"پرئزيدئنت"ی ... کونسئرتده ايله نير (۲)
750 هاچان اوتاناجاقسيًنيًز؟
اوتان آذربايجانيًميًن شيمالی
هم اوردون وار، هم ده خالقيًن کامالی
نييه قاراباغيًم "اولوب" ياد مالی؟!
تهران تورکون گوجو ايله "بی" دورور
باکی اون دورد ايلدير کی، قئيرت بورور
751 هاچان اوتاناجاقسيًنيًز؟
اوتان آذربايجانيًميًن پئترولو
کی امنييت اوچون ساتديًن بو ائلی
باغلاديًن قاراباغا گئدن يولو
تهران آتوم بمباسيًنا دوشونور
باشيًنا کول توکن باکی دئشينير
752 هاچان اوتاناجاقسيًنيًز؟
اوتان آذربايجانيًميًن بودجه سی
(پول ايله تسليم ائتدی خديجه سی) (ايسلام ...)
سندن نه خئيير گوروبدور گويچه سی؟
آنکارانی گوجلنديرن اوردودور
باکیدان خئيير گورمه ين يوردودور
753 هاچان اوتاناجاقسيًنيًز؟
اوتان آذربايجانيًميًن اوردوسو
اون دورد ايل خيانت ائتدين دوغروسو
قويماديًن ساواشا خالقيًن ياوروسو <<
تورک قورتاردی فارسيًن سومورگه سينی
سيلاحلانسا قورتاراراولکه سینی
754 هاچان اوتاناجاقسيًنيًز؟
اوتان آذربايجانيًميًن عسکری
قاراباغيًن اولوب دوشمن مسکنی
سن قورتاراجاقسان، يوخسا ميسگری؟
آنکارا تورکچو ائدير کی، قورتارا
باکی قئيرت اولدورور کی، اوتارا
"باران" ا توتک (موغام موسيقی) چالارلار، سودلنديريب ساغارلار.
"خر"ی مينرلر، آغزيًنی تيکرلر، داماريًنداکی قانيًنی توکرلر.
مينيش وئرمه يه نی مينمزلر. قويون اولمايانی چوللرده (دون پامبيًق)
تارلالاريًندا، بو گون قاچقيًن چادرلاريًندا) اوتارمازلار.
755 هاچان اوتاناجاقسيًنيًز؟
اوتان آذربايجانيًميًن يازاری!
اويله اوياد کی، باغلايا بازاری
جوشدورا دوولته قارشی خزری
ايشقالچی تهران تربيزلینی وورور
يئرلی باکی قاچقيًنيًميًزی بورور
756 هاچان اوتاناجاقسيًنيًز؟
اوتان آذربايجانيًميًن آيديًنی
سسلندير قاراباغيًن فريادیًنی
اويادماسان آيديًن قويما آديًنی
بيرميليون تورک يوز ييرمی مين ائرمنی
درده ساليًب هم وطنی، هم منی.
12.12.2007