۵۱ - "بوتوولشمک" رئآليستی شوعارديًر.
"بوتوولشمک" رئآليستی شوعارديًر.
726
فارس دئير کی،بوتوولشمه يه گوز يوم،
يعنی ... قاراباغی اونوتماغا جوم،
کی ائرمنی قانيًمی ايچه خوم- خوم.
بوتوولشمک ايله قاراباغ سوزو،
بولونمز بير بوتوندور سوزون دوزو.
727
فارس فئدئراليست ائدر کی، آيريًلمايا
بوتوولشديرن کورپو قايريًلمايا
شووئنيست فارسيًن بئلی قيًريًلمايا
فئدئراليست بوتوولوک سوزوندن قورخار
قئيرتی نين بوينونو يئره سوخار
728
تورک ميللتی قووم دئييل، ميللتدی
بوتوولشديرن سبب بو عيللتدی
گرچکلشديرن موستقيل دوولتدی
دخلی يوخدور فارس ايله BMT-يه
کی بوتوولشمه يه قارشی سوز دئيه
729
دورما قارداش، سن ده BMT- يه گئت
تورکون ميللت اولدوغونو ثوبوت ائت
ايستيقلال، بوتوولشمه حاققيًنا يئت
حاق قازانديًقدان سونرا ساواشا دال
بوتوولشديرن ايستيقلاليًنی آل
730 جناب گونتای بی گنجالپ!
بوتوو آذربايجان لازيًمديًر بيزه
هم ده "قرب"ه کی، ال- تاپا دنيزه
بولوجو روسيانی چوکدورک ديزه
آذربايجانا بوتوولوک گرکير
دئمه يين کی، "فارس بو توخومو اکير"
731
ايدهً آلی گرچکلشديرمک اوچون
تانک ايله توپوموز اسکيکدير بو گون
وورماييًن دوگونون اوستونه دوگون
گونئیده گوجلو ايدهً آليًميًز وار
قوزئیده گوجلنديرن آليًميًز وار
732
قوزئیده ميللی ايستقلاليًميًز وار
سيلاحلانماغا بئيت الماليًميًز وار
ايقتيدار دييشديرن آليًميًز وار
روسيا کوله سی ايقتيدارا قارشی
باشلات پارلامئنتئريستی ساواشی
733
قوزئی گرکه جک حدده گليشيب
قورتارا بيله جک گوجه ايريشيب
روسياچی- ايقتيدار دونون دييشيب
قوزئی قاديرديرگونئيی قورتارا
روسيا قويون ائديبدير کی، اوتارا
734
روسيا بوتوو آذربايجان ايستمز
رقيبه لعل ايله مرجان ايستمز
ساکيت خزرده هيجان ايستمز
تورانی هم بولر هم ده سومورر
روسياچی- ايقتيدار سوموک گميرر
735
قوزئيين دستکله يه جک گوجو وار
قوللانمايانلاريًن چوخلو سوچو وار
چونکو قوللانان ائرمنی، گورجو وار
قاراباغيًن "وکيلی" ايروانديًر
تربيزينکی ... يالانچی پهلواندیًر
"کئچمه نامرد کورپوسوندن، قوی آپارسيًن سئل سنی."
ايروان شاهی اولور آذربايجانلی ائرمنی. (روبرت کوچاريان)
736 *- ديققت!
"قرب" ايستر آذربايجان بوتوولشه
ويئتنام، يمن، آلمان بوتوولشه
آرناوود، ياخود آلبان بوتوولشه
"قرب" ايستر اوتورا "شرق"ين يئرینه
بوتوولشديرن ميللتين خئيرینه*
737
فرق ائتمز سيلاحلانديًران کيم اولا
"سوسياليست" دونونداکی ظاليم اولا
ياخود دئموکراسيًسی ساليم اولا
ايشقالچیًنی دستکله ين ظاليًمدیًر
(ايشقالچیًيا سيلاح ساتان ظاليًمدیًر)
ظاليًما قارشی دوست بولماق لازيًمدیًر
738 وئريلمز حاقلاری سيلاح آلديًرار.
"دوغوشانا قاچ، تازيًيا توت دئييرلر"
ايرینی دوزلديب، دوزو اييرلر
اوولاماق اوچون دردینه دييرلر
سن ده اوولانمادان اووچونو قوللان
سيلاحلانديًران دوس بولماغا يوللان
739 *- ديققت!
ايستيقلال آلماغا قان وئرمه لیييک
سيلاحلانديًرانا جان وئرمه لیييک
يوخسا ناموس ايله شان وئرمه لیييک*
بوتوولشمک، ياخود ايستيقلال اوچون
عئينی جزانی چکمکده ييک بو گون
740
آذربايجان باشقا، باشقاسی باشقا
قوزئی اوجوز نئفت ساتيًر بوشقا- بوشقا
سيلاحلانديًرسا گونئی گلر عاشقا
گونئی ظولم ايله دولو يانار- داغدی
هم ده جانيًندان کئچن اوزو آغدی
741 *- گونتای گنجالپ
دوغودان دوغولمايان گورمز باتی
بو گون تمل آتيًلار، صاباح چاتی
اويانمادان اونجه گرکمز ياتی
بوتووچونون شوعاری بيرلشديرر
گونتایيًن* شوعاری قئيريًلشديرر
(ايرانچی، تایلاری قئيريًلشديرر)
742
ايکينجی چهرگانلی اولماياليًم
هر گون بامباشقا هاوا چالماياليًم
ضررلی شئی آشيًنا سالماياليًم
"بوتوولشمک"رئآليستی شوعاردی،
("بوتوولشمک"گرکن بير شوعاردی،)
ميللی قئيرت داشيًيان شاه داماردی.
17.06.27