۳۶ - آی منيم جانيًندان کئچن عسکريم!
آی منيم جانيًندان کئچن عسکريم!
(قنيم کسيرلر اوُزونو اوُزونه،)
(کی سوُمورونون عوُمورو اوزانا.)
598
آی منيم جانيًندان کئچن عسکريم
ائل- اوباسيًنا آند ايچن عسکريم
بابکين يولونو سئچن عسکريم
ان موقددس ايکی شئی وار دونيادا
يورد ايله ائلدير کی، ساتيًلماز يادا
599
آی منيم ظولومدن بيًخميًش عسکريم
جهلی نين ائوینی ييًخميًش عسکريم
دوشمنين اوُنونه چيًخميًش عسکريم
عسکر بيلمه ليدير کی، حاق وئريلمز
سيلاحلانمادان مئيدانا گيريلمز
600
آی منيم آلدانيًب- آزميًش عسکريم
يازقيًسيًنی يادلار يازميًش عسکريم
اوُز ائلینه قبير قازميًش عسکريم
عسکر بيلمه ليدير کی، مانقورت ندير؟
هانسی دوولت عسکری مانقورت ائدير؟
601
آی منيم يوخويا دالميًش عسکريم
احوازدا قلبه چالميًش عسکريم
اوُز يوردو سوُمورگه قالميًش عسکريم
عسکر اوُز يوردونو قوُروماليًديًر
ميللی دوشمنينی تاراماليًديًر
602
آی منيم بئينی يويولموش عسکريم
وطنينه ال قوُيولموش عسکريم
هر گون دريسی سوُيولموش عسکريم
عسکر قاتيًلماليًديًر سيياسته
کی مانقورت اوُلمايا ظاليًم دوُولته
کی مانقورت اوُلمايا ساتقيًن دوُولته
603
آی منيم دآديًما يئتن عسکريم
يانديًران داشناغی اوُتن عسکريم
ائرمنی قارنيًنی ييًرتان عسکريم
عسکر ميللی دوشمنينی اوُلدوره ر
کی دوشمن اوُلدوغونو ائل بيلديرر
604
آی منيم اينتقام آلان عسکريم
دوشمنه قلبه چالان عسکريم
ايشقالچيًنی يولا سالان عسکريم
عسکر ايستر کی، بوتايی آييًرا
اوُتای ايله بوتوُو اوُلکه قاييًرا
605
آی منيم باشی بلالی عسکريم
ميلی دوشمنين "حالال"ی عسکريم
ساتقيًنيًن ساتديًغی مالی عسکريم
عسکر حاق وئرمز کی، مانقورت ائده لر
سيلاحلانديًرانا روُبوت ائده لر
606
آی منيم ائلینه باغلی عسکريم
دوشمندن اوره گی داغلی عسکريم
سيلاحلی ساواشيًن آغلی عسکريم
عسکر بيلير کی، ائل حاقدان يانادير،
حاققی دوُغوران ياشادان آنادير.
607
آی منيم اوُردومو قوران عسکريم
دوشمنلردن حئساب سوُران عسکريم
وورانی دورمادان ووران عسکريم
عسکر خالقيًن گوُزونده ائل اوُغلودور
ائل اوغروندا ساواشان کوراوُغلودور
608
آی منيم اوميد وئريجی عسکريم
صينفی دوشمنی گئريچی عسکريم
قالا بيلمه سن سئييرجی عسکريم
عسکر چاغی نيًن گوُزو ايله باخار
گئريچی صينفين دوُولتینی ييًخار
609
آی منيم دئموکرات روحلو عسکريم
رئژيمی ديکتاتوُر شاهلی عسکريم
ياشامی آه ايله واهلی عسکريم
عسکر آلدانماماليًديًر دوُولته،
او دوُولته کی، اوغرادار ذيللته.
610
آی منيم کوُوره ک اوره کلی عسکريم
اينسانجيًل آرزی- ديله کلی عسکريم
سيلاحلی، گوجلو، بيليکلی عسکريم
عسکر ايستمز کی، خالق کوُرلوق چکه
پول اوچون اوُولادی گوز ياشی توکه
611
آی منيم يوخسوللوق چکميش عسکريم
پول اوچون گوُز ياشی توُکموش عسکريم
کئچميش ياشاميًندان بيًخميًش عسکريم
عسکر ايستر کی، يوُخسوللوق سوُووشا
ثروت يارادان ريفاها قوُووشا
612
آی منيم ظولومه قارشی عسکريم
گوُرورسن جيب کسير چارشی، عسکريم
آرتيًرماييًرلار ماعاشی عسکريم
عسکر دستک وئرر حاقلی اولوسا
جيب کسن بازاری يانديًرسا ياخسا
613
آی منيم قوُنشوسو ايشسيز عسکريم
سوفرسی توُيوقسوز- آشسيًر عسکريم
کورسوسو- پيًچی آتشسيز عسکريم
عسکر ايستر تنبلليکدن قاچيًنا
دوُولت خرجی ايله ايشسيز کئچينه
614
آی منيم تحصيل ائتمه ميش يوردريم
بيلی يوردونا گئتمه ميش يوردريم
بلکه ده کآما يئتمه ميش يوردريم
يوردرين حاققی وار کی، يازقی يازا
حاققيًنی وئرمه ين قانونو پوزا
615
آی منيم يوُخسول کوُکنلی عسکريم
الی- قوُلو ايپ- اوُرکنلی عسکريم
سوُزو- ديله يی تيکانلی عسکريم
عسکرين خططی- مشيی اولماليًديًر
دوُغرو يوُلو آراييًب- بولماليًديًر
616
آی منيم حاق طرفداری عسکريم
پيسی پيسله ين گوفتاری عسکريم
دوُووشچو ائدن رفتاری عسکريم
عسکر ايستر کی، ديکتاتوُرلوق چوُکه
ديره نن زوربانيًن قانيًنی توکه
617
آی منيم ائشيتليکسئور عسکريم
ائشيتسيزليک ائدر داوار عسکريم
بيرئیين ائشيت حاققی وار عسکريم
عسکر بيلمه ليدير کی، عيللت ندير؟
عدالت وارسا بو فلاکت نديًر؟
618
آی منيم قملی- لايلالی عسکريم
ائشيت حوقوقلو لئيلالی عسکريم
آی- اولدوز تکين آيلالی عسکريم
عسکر ايستر کی، قاديًن حور ياشييا
چادرا يئرينه قمزه داشيًيا
619
آی منيم حوررييتسئور عسکريم
سوُزلری دورر ايله جوُوهر عسکريم
آتا تورک يوُلچوسو ليدر عسکريم
عسکر بيلمه ليدير کی، کيم حاقليًديًر
حاقسئور ائدن اينسانجيًل آغليًديًر
620
آی منيم چوُرک قازانان عسکريم
"الی حاراما اوزانان" عسکريم
پيس بويوروغا اوزه نن عسکريم
اينصافمی قاريًن دوُيوران آش اوچون،
سيًخاسان حاقلی نيًن بئينینه قورشون؟
(نييه؟ نه زامانا قدر؟)
29.10.2006