۳۳ - آی بازار اهلی نه ياتميًسان اويان!
آی بازار اهلی نه ياتميًسان اويان!
564
آی بازار اهلی نه ياتميًسان اويان!
ييرمی ايکی ماييًن داليًندا دايان!
اوده بورجونو هر نه دوشسه پايان!
بازاری باغلا دوشمنين اوزونه!
قاتيًل خالقيًن ايسته گينه سوزونه!
565
تورک سويلو تاجيرين دئپوتاتلاری،
حاکيم ائديبلر فارس سويلو تاتلاری.
... ميللیدير تاجيردن باشقا قاتلاری
ميللی دوولت ميللی تاجير يارادار،
(يئتر کی، دوولتی وئره اعتيبار)
بازار اهليندن کی، ايستئدادی وار
تورک سويلو تاجير بازاريًن شئفيدير
تورکو فارسا ساتان تاجير صينفيدير
566
آذربايجان فارس سومورگه سی اولوب
ميللی ايقتيصادی ساراليًب-سولوب
ايشسيزليکدن فارسيستاندا ايش بولوب
آذربايجانی فارسيستان سومورور
ميللی حاق ساتان تورک سوموک گميرير
567
آذربايجان مانوفاکتورچو قاليًب
چونکو فارسيستان ثروتينی چاليًب
اينکيشاف حاققيًنی اليندن آليًب <
فارسيستان سایيًسيًز فابريکا قوروب
چونکو فارس دوولتی داليًندا دوروب
568 *- قوللانديًغی يابانجی مالا.
آذربايجانيًندا ياشايان نوفوس
بانکا- فاييزی وئرير تليس- تليس
(گومروگ وئرگيسی وئرير تليس- تليس)*
ياتيًريًلماييًر يوردوندا بير فولوس
فاييزلر ياتيًريًلماز سومورگه ده
کی ايشسيزليک ده يارانا بولگه ده
569
آذربايجانيًن ان بويوک محصولو
ايشسيزليکدير کی، ائدير فارسيًن قولو
باغيًمسيًزليًقديًر قورتولوشون يولو
ايشسيزه ايش وئرن کونلونو آلار
ايشسيز اولکه خالقيًنی درده سالار
570
آذربايجانيًن بوللو... معدنی وار
کی فارس دوولتينه ساغلاييًرلار کار
هر ايل بلکه ده اونلار ميليارد دولار
(و سونگوندن اون يئددی ميليارد دولار)
اصفهان دورد يوز آلتميش ميليون آليًر
اون اوچ ميليونو اردبيله قاليًر*
*- ديققت: اصفهان شه هرينه، اردبيل ايالتينه.
571
آذربايجانيًن هئچ بير شه هرينده
هم باش کندينده، هم ده ... اهرينده
فيرما يوخدور فابريکا ته هرينده
بو حدده جينايت ائدن فارس ايله*
هانسی قئيرتلی تورک وئرر ال- اله؟
572
ايکی مين بئش يوز ايل اونجه نی دانان
ديلینی اولدورمک اوچون فارس "سانان"
... خويدان قووولاجاغيًنا اينانان
روس "گوج"ويله بی دوران سياسی فارس
تورک دوشمنی دئيلسه ندير؟ خنناس!
573
فيردووسونون شئيرينی سيلمک اولماز
قوللانيًلاجاغيًنی بيلمک اولماز
دوواغيًنی بولمايان چولمک اولماز
آنتی تورک فارس ادبيياتی ايله*
ناموسلو تورک باريًشماز قاراگيله!
574
ائل گوجوندن قورخان دوشمن "باريًشار"
"عدالت" ايله "بيرليکدن" دانيًشار
ايقتيصادی گوجو ايله ياريًشار
حاقسيًز، قانوندان يانا اولا بيلمز
دوققوز آيليًق قاريًندا قالا بيلمز
575
هر کس اودو اوز قاباغيًنا دئشر
هر دالدا اوستون اولماغا اللشر
چوخ ميللتلی مجليسده دآوآ دوشر
ايقتيصادی گوجلوميللت زور دئير
اودو آليًشديًران کوتگين يئير
576 *- باريًشماز تضادلاريًن
باريًشمازيًن باريشجيًل حللی اولماز*
چالاجاغی هاوالار بللی اولماز
ياددان آسيًلی مجليس ميللی اولماز <
فئدئراليزم سومورگه چی نين يولودور
فئدئراليست ساتقيًن تاجيرين قولودور
577
"حاققيًنی ايسته مه کی، اولدوررلر"
اولومدن قورخمايانی گولدوررلر
دويون آچانلار اوچون بيلديررلر:
کيم کيمی يئر اوزوندن سيله بيلمز؟
دوولت می؟ ميللت می؟ کيم بيله بيلمز؟
578
نئچه اولکه لی فئدئرال اولکه ده
اورتاق اولمايان ديل قالار کولگه ده
اورتاق ديل حوکوم سورر هر بولگه ده
چوخونلوق* اورتاق ديلده تحصيل آلار
چونکو هر اولکه يه گئتسه ايش بولار
- تورکجه لشديرمک ايله بيرليکده، اونودولموش تورکجه سوزجوکلريميز
"آذربايجان تورکجه سی نين آچيًقلانميًش سوزلوگو"نه آرتيًريًلماليًديًرلار.
- آذربايجاندا بوگونکو دوولتيميزين آنتی تورک سيياستينه سون وئريلديکدن
سونرا، او جومله دن "آذربايجان ديلی نين ايضاحلی لوغتی" آدلی کتيابيًن
هم آدی، هم ده ايچه ريگی تورکجه لشه جکدير.
579
سومورگه يه لازيًم اولان صنايی
فارسيستاندا قورولوبدور، عنايی
قويمازلار توراندا قورولا تايی
آذربايجان آيريًلسا اولماز هدر
صنايئسی اولار فارسيستان قدر
580
فارسيستانداکی دوولتیسرمايا
بولونمه ليدير کی، يانمايا تايا
هر ميللت يئتيشه وئرديگی پایا
نئجه کی، موسکووا حئسابا قاتدی
"يوز آلتميًش" طيياره باکیًيا چاتدی
(؟؟؟)
581
کوله ليگين کوکونو قازماليًييًق
اوزگه يازان يازقيًنی پوزماليًييًق
يازقيًميًزی اوزوموز يازماليًييًق
اوزگه يه اومود اولان شامسيًز قالار
يئتميش ايلدن سونرا حاققيًنی آلار
582
ايران ايکينجی بير ايسوئچ ساييًلسا
لوريستانی قوروماق بورج ساييًلسا
اوتايی وطن سايماق سوچ ساييًلسا
ساتارام فئدئراليزمی فارسا، روسا
خيانت ائتمرم ميللی ناموسا
583
تورکو فارسا ساتان صينف ساتيًلاجاق
بازار اهلی قيياما قاتيًلاجاق
آتيًلاجاق آدديًملار آتيًلاجاق
بازار اهلی يئرينی بولماليًدیًر
حرکتين ليدری اولماليًدیًر.
24.07.2006