۳۰ - گوج بيرليکدن دوغار.
گوج بيرليکدن دوُغار.
522
سن ده من تکين ازيلميش تورکسن گل!
ميللی ساواش مئيدانيًندا تکسن گل!
دوشمنه قارشی اوره گی برکسن گل!
گل يئنمگی يئننلردن اوُيره نک.
523
تک الدن سس چيًخمازکی،موُحتاجام، گل!
سانکی اوُدسوز- کوُزسوز قالميًش ساجام، گل!
اوُيرنيًب- اوُيره تمگه ده آجام، گل!
گل ائقويًيستليگين کوُکونو قازاق.
524
آختاران تاپارسا آختارماغا گل!
تاپيًلميًش سيلاحلا قورتارماغا گل!
قاراباغيًميًزی قايتارماغا گل!
گل يئنيلمه گين ندنينی بولاق.
525
قالان ايشه قار ياغارسا ائرکن گل!
مانقورت ائدن فيکيرلردن سيلکين گل!
ساواشيًن هدفلرينی اوُرگن گل!
گل تجروبه لريميزدن درس آلاق!
526
دوشمن مانقورت ائتميشسه اوُزونه گل!
گوُزونو اوُيماق اوچون گوُزونه گل!
عيناد ائتمه، آرازيًن سوُزونه گل!
گل قئيرت اوُلدورنلری اوُلدورک!
527
ميللی دوشمن ايله دوشمن اوُلسان گل!
ميللی ايستيقلالا چاره قيًلسان گل!
ايستيقلالچی خالقا صآديًق قالسان گل!
گل اولو بابکين يوُلونو گئدک!
528
تورکون باغيًمسيًزيًنا ياراشسان گل!
يعنی ايستيقلال اوچون ساواشسان گل!
بوتوولشديرن باجی- قارداشسان گل!
گل بوتوُولشديرک اوتای بوتايی!
529
ايستيقلال يوُلونو دوُغرو بولسان گل!
ايستيقلالچی نيًن دينچيسی اوُلسان گل!
باش کسن يوُخ کی، ساچيًمی يولسان گل!
گل يوردو سوُمورگه ليکدن قورتاراق!
530
۱- دئموکراسی ايچره يئرلشمه يه گل!
۲- ايستيقلالچی ايله بيرلشمه يه گل!
ساواشقانلی اوُلار، گورلشمه يه گل!
گل بيرلشک کی، گوج بيرليکدن دوغار.
531
دئموکراسيًدان دينه حاق آلسان گل!
اينسان حاقلاريًنا صآديًق قالسان گل!
ايدئولوژيک ساواشا دالسان گل!
گلين دئموکراسيًنی رسمی ساياق،
بيرئی حاققی وئره ک، فيکرينی ياياق.
14.04.2005