۲۴ - لعنت اولسون ساتقيًن اکيب- دوغانا!
لعنت اولسون ساتقيًن اکيب- دوغانا!
(دآوآميًز قاراباغيًن دآوآسيًديًر.)
429
روسيانيًن سونگوسو حئيدرعلييئف
روسون اورکئستراسيًندا چاليًردی دف
روس سازیًنا اويناديًب سوروردو کئف <
لعنت اولسون ساتقيًن اکيب- دوغانا!
430 *- گونه باخان حئيدر
روس ايمپئرياسی چوکمک دوورونده يدی
علييئو دون دييشمک زوروندايدی*
بو ايشی ده روسيانيًن اوغروندايدی
لعنت اولسون ساتقيًن اکيب- دوغانا!
431
حئيدر گلدی قويون ائده اوتارا
قووولان روسيانی گئری قايتارا
گلمه ميشدی قاراباغی قورتارا
لعنت اولسون ساتقيًن اکيب- دوغانا
432
حئيدر گلدی صولح آلا اولکه ساتا
قاراباغی ائرمنيستانا قاتا
روس ماشاسیائرمنی کآما چاتا
لعنت اولسون ساتقيًن اکيب- دوغانا!
433
ساتقيًن فارس ساتيًليًر کوله چی قالا
ساتقيًن تورک ساتيًليًر باريًشجيًل اولا
ساواشا صولح ايله "قلبه" چالا (آتشکس)
ساواشدان صولح ايله حاققینی "آلا"
لعنت اولسون ساتقيًن اکيب- دوغانا!
434
حئيدرعلييئو اون ايل شاهليًق ائتدی
قاراباغی گئری آلمادان گئتدی
مافياسيًندان باشقاکيم کآما يئتدی؟
لعنت اولسون ساتقيًن اکيب- دوغانا!
435
ايشقاليًن عومروندن اون دورد ايل کئچدی
ايشقال ائدن ساواش قانیًمی ايچدی
قئيرت اولدورن صولح نه اکدی- بيچدی؟
لعنت اولسون ساتقيًن اکيب- دوغانا!
436
حاق وئريلمز کی، زور ايله آليًنار
توپ- توفنگ ايله قلبه چاليًنار
صولح ايله نجات گئرييه ساليًنار
لعنت اولسون ساتقيًن اکيب- دوغانا!
437
ائرمنی تورپاق آليًر، بيز ساتيًريًق
نئفت گليری ايله کآما چاتيًريًق
ريفاه وعده سی ايله آلداديًريًق
سيلاحسيًز اوردو قوردوروب، ياتيًريًق
لعنت اولسون ساتقيًن اکيب- دوغانا!
10.11.2005