۲۳ - "اوتور" باريًشجيًل مئتودون ايچينه!
"اوتور" باريًشجيًل مئتودون ايچينه!
422
يوردسئور تورکو تاختيًندان ساليًرلار
ساتقيًن تورکون توته گينی چاليًرلار
چونکو روسيادان بويوروق آليًرلار
دئييرلر گوز يوم دوشمنين سوچونا.
"اوتور" باريًشجيًل مئتودون ايچينه!
423
يوردومو بولورلر ديليم- ديليمه
تایلاری "قونشو" ائديرلر ائليمه
بوتووچونو بنزديرلر ظاليمه
باريًشجيًل داوران دئييرلر گوجونه.
"اوتور" باريًشجيًل مئتودون ايچينه!
424
فارسی تورکه حاکيم ائديب گئديرلر
تورکو فارسا ميللی کوله ائديرلر
فارسلار باش قالديًران تورکو ديديرلر
دئييرلر باريًشجيًل اول کی، کئچينه.
"اوتور"باريًشجيًل مئتودون ايچينه!
425
بولونموش تایلاريًميًز تضييف اولور
سوسوزلوقدان ميللی گوللری سولور
قاراباغا کوچمن ائرمنی دولور
باريًشجيًل قاييًدا بيلمز... لاچيًنا،
"اوتور" باريًشجيًل مئتودون ايچينه!
(سيلاحلا آليًنان سيلاحلا قايتاريًلار.)
426
ساواش قورتاردی يمنی، کيًبريًسی
باريًش گوجلنديرير شووئنيست فارسی
قاراباغی ايشقال ائتديرن روسو
باريًشوئردی دده سی نين بورجونا، (آتشکس)
"اوتور" باريًشجيًل يونته مين ايچينه!
427 "شرق" ~سومورگه چی روسيا ايله چين
"شرق" دئيير تورک اولسون کی، من اوزانيًم*
"قرب" دئيير تورک اودوزسون من قازانيًم
ايچی- بوش وعده لر ايله بزه نيم
بلکه تورک سيلاحلانماقدان قاچيًنا.
"اوتور" باريًشجيًل يونته مين ايچينه!
428
باريًشجيًل مئتود فئدئراليزم اوچوندور.
فئدئراليزم آلداديًجی اويوندور.
اوزگه دن آسيًلی ميللت قويوندور. (مرکزدن آسيًلی ...)
آذربايجانا ايستيقلال لازيًمدیًر،
يا اولوم، يا ايستيقلال سون سوزومدور.
02.07.2005