۲۲ - گونئيلی ليدرلر گئريچيديرلر.
گونئيلی ليدرلر گئريچيديرلر.
414
يوردومون قوزئيی آوروپالاشيًب
گونئيينه گئريچيليک سوواشيًب
گئريچيليک دردلرينه بولاشيًب
دين دييشکندی، دييشمز وطندی
بوتوولشمه گی زورلاشديًران ديندی
415
بوتایلی تاجير سئومه يير اوتايی
چونکو فارسدان آليًر ساتقيًنليًق پايی
بو تایيًن هايی گئديب، قاليًب وایی
گئريچی دوواقلار تاپيًر چولمه يه
تايلاريميًز بوتوولشه بيلمه يه
416 *- مانقورتلوغا سون!
تاجير ساتسا سنی، سن ده اونو سات!
بئينينه قويدوغو دينی چيًخار آت!
يعنی اوزون اول کی، مورادينا چات!*
اوزون اولسان اوز يولونو گئدرسن،
ائلينی يوردونو سربست ائدرسن.
417
فئوداليزم تاجيرين محصولودور
دين او رئژيمين آنا اوصولودور
موللاسی پروپاگاندا مسئولودور
مظلومون قايداسی دئموکراسيًديًر
دموکراسی دردين ايلک چاره سيًديًر
"بيز آذربايجان تورکلرينه، تورک آذربايجانيميز "دئموکراسی" دان،
("دئم قيراسی"ندان (بالتاجی آرازيًن دئموکراسی دآوآسيًندان. - آراز،
باشقا "کيراسی"لاردان چوخ- چوخ اوستوندور! ... تاريخ بويو شيلله -
لنميشيک، ايندی نه ياخچی کی، اوزوموزونکوسوندن شيلله له نک!"
عليرضا فرشی (کی خمئينی ميليسی ايدی. – آراز) 11.10.2010
418
درديميز دينين ووردوغو يارادیًر
گئريچيليگين قوربانی ... سارادیًر
آيديًنلاريًميًزيًن گونو قارادیًر
آيريًليًق روس يئليدير کی، سوووشار
آنلاييًشلار آينی اولسا قوووشار
419
گونئیلی "آيديًن"لار گئريچيديلر
آوروپالاشماغا سئييرجيديلر
چونکو گئريچيلر سوروجودولر
بينوورسی قويولان شئی هورولر
دری سويدوراندان حئساب سورولار
420
بوتایلا اوتای دوغوشدان قارداشدیًر
قارداشليًق دينی هر بير ديندن باشدیًر
صينفی دينلرين محصولو ساواشدیًر
ايسلام دينينی دوغان تضادلاردیًر
يانديًريًب- ياخاديًغی صينف ... آروادلاردیًر
موسلمان مانقورت گئدن يولو گئدر،
مانقورت ائتديرن صينفه قوللوق ائدر.
421 ايسلام ايستر کی، کوله، کوله قالا.
دين قويماييًب طالاق حاققینی آلاق*
بوتوولشديرمک اوچون کورپو سالاق
تایلاری بوتوولشديرمه يه دالاق
وطنی قورتارماق اوچون دينی آت!
دئموکراتيزه ائيله اوتایا قات!
01.05.2005