۲۱ - "آزاد تريبون" سايتيًنا تشککور مکتوبو.
409
ائل غمی ايتدی منی بو پئشه يه
بابک بی آذری قويدو بئشييه
وار- يوخومو چکدی توکدو ائشييه
آرازيًن شئيرينده نه آختارسان وار
دار گوروشلونون دونياسی اولار دار
410
يوز ايل اونجه کی صابيری اويورلر
شئيری نين دوشمنلرينی "دويور"لر
بوگونکو صابيری نييه؟ سويورلر:
آديًنی چکن، شئيرينی سايان يوخ
"آزادتريبون"دان باشقا يايان يوخ
411
شئيريمی هر کسه گونده رديم آتدی
بلکه ده آغليًنی قورخويا ساتدی
بابک آذری هاراييًما چاتدی
بابک آذری منی اوووندوردو
قورتارديًغی شئيريمی سئوينديردی
412
بابک آذری ائلين اوز اوغلودور
بالتاجی آراز تکين کوز اوغلودور
حاققی حاقليًيا وئرن دوز اوغلودور
ائليمه تاريخ يارادان لازيًمديًر
جهلين گونونو قارالدان لازيًمديًر
413
بابک آذری زحمتکش اينساندی
ايسته گی باغيًمسيًز آذربايجاندی
فيکير اوزگورلويونه ايناناندی
قارشی فيکيری ده سايتيًندا ياييًر
(موخاليف فيکری ده سايتيًندا ياييًر)
دوشونجه حاققيًنی موحترم ساييًر.
ساغ اولون! ميننتدارام.
بالتاجی آراز
26.04.2005