۱۹ - من ده مکتبده مکتبدن ايرگنديم.
398
من ده مکتبده مکتبدن ايرنديم
چونکو مکتبده کوله ليک اوُيرنديم
آزادليًغيًميًن داليًجا سوروندوم
منی ده مکتبده "مانقورت" ائتديلر
ميللی ثروتيمی چاپيًپ- گئتديلر
399
مکتبده دئديلر تورکچه "اخی"دی
تورک آديًنی چکمه يين کی، "خوخو"دو
زينداندان قورخان تورک فارسجا اوخودو
قئيرت اوُلدورن ايشقالچی فارس اوچون
تورک الیيله قازدی تورکلوگون کوکون
400
مکتبين ايلک درسی "قاووادليًق" اوُلدو
"ار"ه قوللوق ائدن "آروادليًق" اوُلدو
اليمدن آليًنان آزادليًق اوُلدو
مکتبده اوُيرتديلر کی، ساتيًلام
يعنی کوُکومو قازانا قاتيَلام
401
مکتبده دئييلدی کی، ديل آراجدیًر
حالبوکی قئيرت اوره تن "آغاج"دیًر
قئيرت اوُلدورنين پايی خيراجدیًر
يوردومون ثروتينی چاپماق اوچون
قئيرت اوره تمک حاققی يوخدور تورکون
402
دئديلر "حاق وئريلمز کی، آليًنار."
دئديم باغيًمسيًز اوُلمايان چاليًنار،
اوُردوسوز دوُولتی تاختدان ساليًنار.
دئدی يوردسئور يوُخ کی، هرجايی اول،
فارسيستان گليشه، توران قالا چوُل.
403 (" آغاجی اوز ايچينده کی قورد يئير.")
تورک سوُيلو تاجير تورکو ساتدی فارسا
ساتقيًن دئپوتات گوُنده ردی مجليسه
ايراندا قالماق اوچون قوُيا ياسا
(ميللی حاق ساتماق اوچون قوُيا ياسا)
تورک سوُيلو تاجير ايستر کی، تورک ساپا
ايرانيًن بازارلاريًنا ال تاپا.
03.01.2006