۱۸ - بينوورنی نيظامی ايری قويدو.
قئيرتسيز قئيرتلينی آنلاماز کی،
تورکه لازيًم دئييل قئيرتسيز ذکی.
390
تورک چوخ ايمپئراراتورلوقلار قورموشدو
اوز حاققيًندا چوخ پيس ايشلر گورموشدو
يعنی اوزگه لر اوچون "بی" دورموشدو
کئچميشدن دانيًشيًب- اوتانديًرماييًن
کئچميشی ياشاديًب- اوسانديًرماييًن
391
نيظامی بينوورنی ايری قويدو
تورک سویلو قئيرتين گوزونو اويدو
کور تورکون خزينه سينی فارس سويدو
گرکيرسه نيظامیًيا قارقيًش ائت
اوزونه گل کی، تورکون يولونو گئت
392
نيظامیًنی قئيرتسيزليک قاپديًردی
شهريارلاری نيظامی ساپديًردی
اوزگه لرين باشيًنا تاج ياپديًردی
اوزگه لر اوز ديللرينده يازديًلار
قوللوقچو تورکلره قبير قازديًلار (فيردووسی)
393
نيظامی تورکه خئييرلی اولمادی
چونکو اوخوجوسو يئرلی اولمادی
تورک قدر تورکه ديرلی اولمادی
نيظامی قئيرت اولدورن تورک ايدی
فيردووسولاری گولدورن تورک ايدی
394
نيظامی دا يئردن گويه دوشوندو
ذکانی مست ائدن مئیه دوشوندو
تورکجه دن باشقا هر شئيه دوشوندو
اوز ديلينده يازمادی تورک اوخويا
اوخودوغونو اويره نه توخويا
395
نيظاميًلاريًن قئيرتی يوخ ايدی
ساتقيًنليًق ايستئدادلاری چوخ ايدی
تورکه وئرديگی درسلری نه ایدی ؟
قئيرتسيز تورک کوکنلی تورک ساييًلماز
گرچکلری بيلمه ين خالق آييًلماز <
396 قئيرتسيزلری زيبيلليگه آتيًن!
ناموسو دوولتی قئيرت قورويار
ديلی هووييتی قئيرت قورويار
ائلی مملکتی قئيرت قورويار
قئيرتسيز اوزگه يه کوله ليک ائدر
قازانجی اوزگه نين جيبينه گئدر
397 سونوج:
بوگونکو بينوورنی ايری قويما
ايستيقلالچی خالقيًن گوزونو اويما
اوز قاشيًغيًن ايله يئمکدن دويما
سيياستدن قانماسان باشقا ايشبول
"ائششک" آختارما کی، الدن گئدر چول (مشهدی عيباد تکين)
16.05.2005