۱۷ - هر کس ايستر يوردو موستقيل اولا.
373
تاجيرصينفی کاريًن يوزده بيرييله
ميللی شوعور گوندره بيلر ائله
شوعورلو خالق دوشمنی سالار يولا
تاجيرين خئيری بويوک بازاردادیًر
(ساتديًريًب- آلديًغی ايمتيازدادیًر)
اوجلاری عوممان ايله خزرده دیًر
374
فئدئراليزم تاجيريًن صينفی يولودور
تاجير صينفی ساتقيًنلاريًن کولودور
ساتديًران بازاريًن گئنی بولودور
فئدئراليست ميللی ساتقيًنيًن گولودور
فئدئراليست ده ايستيقلالچی اولاجاق
او زامان کی، اربابی قووولاجاق
375
فئدئراليزم اوردوسوز دوولتلر قورار
باش قالديًران دوولتی مرکز وورار
گوجلو ميللت گوجسوز ميللتی بورار
ميللی گوج ميللی ثروتلرده ياتيًب
چاپيًلميًش خالقيًن ميللی گوجو باتيًب
376
کيم ايستر کئچميشيندن درس آلمايا؟
يعنی فئدئراليزمی تاختدان سالمايا؟
ايستيقلال اوچون ساواشا دالمايا؟
روسيانيًن يئتميش ايل چاپديًغی اوتای،
اوز گوجو ايله اکه بيلمه يير چای.
377
کيم ايستر کی، يوردو سومورگه قالا؟
بوتوولشمه يه، ايکی اولکه قالا؟
بيری باغيًمسيًز، بيری بولگه قالا؟
هر کس ايستر يوردو باغيًمسيًز اولا
فئدئراليست قويماز درده چاره بولا
378
کيم ايستر کی، ايستيقلالچی اولمايا؟
ايشقال اولونموش يوردو قورتولمايا؟
ميللی دردلرينه چاره بولمايا؟
فئدئراليست ايستر کی، سومورگه قالا
اربابيًنا تيجارت حاققی آلا
379
کيم ايستر کی، اوزونه قبير قازا؟
يازديًغيًنی سئومه ين اوزگهپوزا؟
يازقيًسيًنی ميللی دوشمنی يازا؟ (مرکز)
فئدئراليست سيًنانميًشلاری سيًنايار
تجروبه دن اويرنه نی قيًنايار
380
کيم ايستر کی، گله جکده قيًنانا؟
پيسين ياخشی اولدوغونا اينانا؟
پيسه ياخشی اولماق اوچون سيًنانا؟
فئدئراليست "قورتارار" بوتوو ايرانی
کی فارسيستان چاپا آذربايجانی
381
کيم ايستر کی، حارامی حالال ائده؟
چاپقيًنچی فارس ميللتينه مال ائده؟
حالاللاشديًرماق اوچون فئدئرال ائده؟
فئدئراليست چاپيًلميًش مالا گوز يومار
تاجيره ايمتيياز آلماغا جومار
382
کيم ايستر کی، اوز يوردونو چاپديًرا؟
چاپيًلماق اوچون يولوندان ساپديًرا؟
ايستيقلالی فئدئراليزمه قاپديًرا؟
فئدئراليست ايستر کی، ايراندا قالا،
ايراده يوخ ، اداره حاققیآلا،
بودور فئدراليستين هدفی بالا.
383
کيم ايستر کی، ايراده سيز ياشيًيا؟
فئدئراليزم قشووو ايله قاشيًيا؟
اوزگه نين ايراده سينی داشيًيا؟
فئدئراليست ايستر کی، خالتاسی اولا
اوزگه لره يئمک سالچاسی اولا
384
کيم ايستر کی، گوجلو ايله ياريًشا؟
حاققيًنی آلمادان اونجه باريًشا؟
اوزونو قويوب، اوزگه يه قاريًشا؟
فئدئراليست بيلير چاپيًلميًش باتيًبدیًر
ميللی گوج سرمايه لرده ياتيًبديًر
385
کيم ايستر کی، فابريکاسی اولمايا؟
بولاقلاری اوز گولونه دولمايا؟
ايشسيزليک دردينه چاره بولمايا؟
فئدئراليست بيلير پاييًنا نه دوشر
هر کس اودو اوز قاباغيًنا دئشر
386
کيم ايستر کی، ميللی آغليًنی ساتا؟
اوزونو اوزگه ناخيًريًنا قاتا؟
چاپيًلان ميللی ايقتيصادی باتا؟
فئدئراليست ايستر کی، دوشمن شاد اولا
ميللی يازقيًسيًنیی يازانياد اولا
387
کيم ايستر کی، موراديًنا يئتمه يه؟
يوردونو باغيًمسيًز اولکه ائتمه يه؟
يمن ين گئتديگی يولو گئتمه يه؟
فئدئراليست ايستر کی، دوشمن شاد اولا
تایلاريًميًز بير- بيرينه ياد اولا
388
کيم ايستر کی، چتينليکلردن قورخا؟
قورويوجو قئيرتی يوخا چيًخا؟
اوز الييله باشيًنی درده سوخا؟
فئدئراليست قاندان قورخودار ييًلديًرار
دوشمنی دئويرمز،حاکيم قيًلديًرار
389
کيم ايستر کی، آرازی بويکوت ائده؟
ميللی دوشمنلرين يولونو گئده؟
دوشمن تکين وئره ايچی- بوش وعده؟
فئدئراليست ايستر کی، خالقی اويودا
اوزونو گورر قازديًغی قويودا.
19.05.2005