۱۵ - وعده لره اينانسان فئدئراليست اول!
357
وعده لره اينانسان فئدئرالچی اول!
يازقيًسيًنی يازماغا فئدئرال يول بول!
اوزگه نی اوز طالئينهحاکيم قيًل!
فئدئرال مجليسده اولکه ساتيًلار،
ميللی مجليسلرده بولگه ساتيًلار.
358
حاقسيًز قالماق ايسته سن فئدئراليست اول!
کوله قالماغيًنا باشقا بير يول بول!
کی فئدئرال رئژيم ائده ميللی قول.
اوتایيًن تجروبه سيندن درس آلما!
ايچی- بوش وعده لری يادا سالما!
359
طالاق حاققيًنی گومسن فئدئراليست اول!
يعنی ياساللاشماغيًنا چاره بول!
بوتووچو فئدئرال اوردونو حاکيم قيًل!
بولوجو اولدورن اوردويا حاق وئر!
ييرمی يانوارلاردا قآن آغلايا يئر.
360
چوبان قالماق ايسته سن فئدئراليست اول!
مونتاژ ائدن فارسيستانی حاکيم قيًل!
اوتای تکين بوتاييًندا قالا چول؛
گرکمز هر اولکه ده هر شئی اولا،
يئتر کی، مال ساتيًلا بوشلوق دولا.
361
اوغرونو باغيًشلاسان فئدئراليست اول!
چاليًنميًش مالی حالال ائدن يول بول!
وارلی ميللتی يوخسولا حاکيم قيًل!
"بيرليک ايله ائشيتليک" حئسابيًنا،
هم چاپيًل، هم ده قاتلان عذابيًنا!
362 آنتی تورک و آنتی قاديًن فيردووسی.
قئيرت اولدورن اولسان فئدئراليست اول!
دوشمنی دوس تانيًتماغا چاره بول!
"تورک خر" دئين کولتورو حاکيم قيًل!
فارسيًن فيردووسودان باشقا کيمی وار؟*
کی اويرده، ياخود ائده ايفتيخار؟
363
اوتايی يورد بيلمه سن فئدئراليست اول!
ايرانيًن بوتوولوگونه چاره بول!
ياد اوردوسونو آرازا حاکيم قيًل!
اوتايا قارشی ساواشا حاضيًرلان!
ساواش باشلاتميًش اولسا فئدئرال ايران.
364
"آنا امجه يی کسسن" فئدئراليست اول!
اوتايلی قارداشی آت دوشمنی بول!
گولوستان آنلاشماسيًنی حاکيم قيًل!
روسون جيًزديًغی سرحددی قبول ائت!
يعنی فارس ميللتی نين يولونو گئت!
365
روسيا کوله سی اولسان فئدئراليست اول!
قويما بوتوولشهاولا گوجلو سئل!
سئل يونونو دييشديره بيلمز يئل.
تورک سيلاحلانسا دنگه لر پوزولار،
بولگه ميزده يئنی تاريخ يازيًلار.
366
تاجيره قوللوق ائتسن فئدئراليست اول!
اونون بوگونکو دردینه چاره بول!
هم تورکدن، هم فارسدان قازانا بول- بول!
موسکووا تکين تهران چاليًب- چاپا،
اوتای تکين بوتای دا ياپما ياپا.
367
ساواک- ساواما اولسا ن فئدئراليست اول!
بسله ييب کی، قوللوق ائدسن بول- بول،
سومورگه چی نين دردينه چاره بول!
فئدئرال حاققی گئری آلماق اولار،
هر کس دردی نين چاره سينی بولار.
05.04.2005