۱۲ - آذربايجان موستقيل اولماليًديًر.
331
سن آذربايجانسان، من ده ذرره سی
سن بير داغسان، من سولاريًن دره سی
سن بير سئلسن، من دگيرمان پره سی
سن آخديًن، من فيًرلانديًم، دن اووولدو
هر کس ياپدی يئدی، آجليًق سووولدو
332 (ايرق =ايًرک =سوی)
من سيزه هر سوزون دوزونو دئديم
نه توردن اولدوغو گوزومودئديم
کيمه قوللوق ائدن اوزومو دئديم
من هم ايًرکچی، هم ميللتچی اوغلويام
دئموکراتيزه ائدن سول قولويام
333
من تورکسئورم چونکو تورک اوغلويام
ديلی قاداغان اولان ايرق اوغلويام
عربيزمه قارشی بابک اوغلويام
ميللت يئرينه اولوس قوللانارام (موغول سوزجوگو)
ايرقيمدن آل- وئر ائديب"پوللانارام"
334
من چاپيًلديًغيًم اوچون یوردسئورم
روس آيی سئوردی، من قوردسئورم
قارشيًليًقلی اولاراق ... کوردسئورم
ميللی دوشمنلريمين دوشمانيًيام
ميللی ايستيقلاليًميًن قوربانيًيام
335
بوگونکو دوشمنيم فارس ميللتیدیر
اونو تمثيل ائيله ين دوولتیدیر
هم ده ساغچی- "سولچو" سيياستيدیر
فارس هم آخيًردان هم توربادان يئيير
ميللی طالاق حاققيًنی وئرمه دئيير
336
آرازلاردان باشقا بوتون يازارلار
چونکو اوزلری آلدانيًب- آزارلار
ميللی ايستيقلالا قبير قازارلار.
حالبوکی آوروپا دا اورنگیدير
باغيًمسيًز اولکه لرين بيرليگيدير
337
ايرانيًن فارسيستانی سومورگه دیر
باشقا اولکه لری سانکی بولگه دیر
فارسيستان اوچون سومورگه اولکه دیر
آذربايجان باغيًمسيًز اولماليًدیًر
دوشمنی آتيًب، دوستو بولماليًدیًر
338
سنی آزديًرماق اوچون چوخ يازيًرلار
دون دييشديرمک اوچون ده پوزورلار
يئنی فورمالاردا قبير قازيًرلار <
بالتاجی آراز آز دئير اوز دئير
دوشمنلری محکوم ائدن سوز دئير.
25.02.2005