۸ - پيًچاق سومويه دايانيًب.
پيًچاق سومويه دايانيًب.
293
بو تورپاقدا ياشايان بيزيم ائلدی
ائلی ائل ائدن وطن ايله ديلدی
اراده ايله قورتاريًجی يولدو (ميللی ايدئولوژو)
يازيًق ائليم گور نه کوکه ساليًنيًب
چونکو وارليًغی اليندن آليًنيًب
294
ائليم ثروت ايله نعمت ياراديًر
اونون بورجو اوده ديگی پاراديًر
آيديًن اوولادی نيًن اوزو قاراديًر
ائلين اليندن آليًنميًش شئيلری
گئری آلماليًيدی عسکر بیلری
295
ائلیمين آيديًنی آيديًن دئييلدیر
اوره ديلميش بيليک تورکون دئييلدیر
ايستيقلالچيًليًق اونا دين دئييلدیر
ايستيقلالچيًليًق تورکون دينی اولسا
طالاق حاققيًنی وئرمز فارسا، روسا
296
فارس تورکون ميللیديلينی اولدورور
تاريخينی ذئهينلردن سيلديرير
هم ده تورکون ساققاليًنا گولدورور
فارس تورکو مانقورت ائدير کی، قوللانا
ميللی ثروتينی چاپا، پوللانا.
297
فارس قئيرت اولدورور، تورک قورخور دئيه؛
قورخور قئيرت اويانا کفن گئيه
قاتيل فارسيًن اتينی "چيی- چيی" يئيه
قورخاق تورکون قئيرتی اويانماييًب
گويا "پيًچاق سومويه دايانماييًب"
298
اوتايًيًن دوردده بيری ايشقال اولوب
اوتوز مين شهيد وئرميش بوتای سولوب
قووولموش فارس اوردوسو ايله دولوب
تورک عسکری فارس اوردوسونو قووار
او زامانکی قانی قان ايله يويار
299
سانما بو فورصت گئنه اله دوشه
بير ده ايسلام توپلومو ائده مئشه
اللی ايلی ائنديره ييرمی بئشه
بو گون آيريًلماساق صاباح "چتين"دی
چونکو "آللاهيًن قويوسو دريندی"
300
آراز ايستر يوردو موستقيل اولا
ايستمز اوولادی ميللی قول اولا
اری اولموش قاديًن تکين دول اولا
فئدئرالچی تورکون ايشی بکله مکدیر
اوولادی نيًن بوينونا يوکله مکدیر