۷ - نييه فئدئراليزم؟ نييه ايستيقلال؟

نييه فئدئراليزم؟ نييه ايستيقلال؟

284

{ساواشلار ماليک اولماق ساواشيًديًر}

{اييه ليک حاققی آلماق ساواشيًديًر}

{دوولت الييله ... چالماق ساواشيًديًر}

سومورونو قولايلاشديًرماق اوچون

ديل ايله کولتور اولدورورلر بو گون

285

فئدئراليزم قورتارماز مولکييتی

باغيًمسيًز ائتمز کولونی ميللتی

قورتارار اونجه کی حاکيمييتی

ميللتلرين ديلينی آزاد ائدر

اييه ليک پايلاری مرکزه گئدر

286         (مرکز~اوزگه)

{فئدئرال رئژيمده فابريکا قورماق}

{فئدئرال بوتوولوگونو قوروماق}

{خاريجی سيياسته دامغا وورماق}

ميللتلرينه طالهً تعيين ائتمک

اوزگه نين حاققيًدیًر، وورماييًن کيتمک   (دويون)

287

فئدراليزم دئير: "تاپان تاپانيًنديًر"

"ميللی کوله ليک حاققی ساپانيًديًر"

"اييه سی آغيًلسيًز مال چوبانيًنديًر"

"چونکو بو دونيا چاليًب- چاپانيًنديًر"

"فارسيًن چاپديًغی فارسا حالال اولسون"

"چاپيًلميًش سويون ساققاليًنا گولسون"

288

هرميللت فئدئراليزمه بير اويه دیر

وارلی ميللت بير نوو ايتی تييه دیر

يوخسول ميللت کسيله جک دويه دیر

گوجلو گوجسوزه حوکومت ائيله ير

اوزونه "ياغار"، اوزگه يه "چيله ير"

289

نئچه اولکه لی فئدئرال اولکه ده

يوخسول ميللتلر قالارلار کولگه ده

کيره چی رولو اوينارلار بولگه ده

اولکه لرينده نه وار قوللانارلار

کيرايه لرمرکزه يوللانارلار

290

فئدئراليزمه گوره مرکز اييه دیر

يوخسول ميللتين اولکه سی په يه دیر

مال- داوار اوتارماق اوچون اويه دیر

اييه اويه نين گوز ياشيًنی سيلمز

آيريًلمايان صنايئلشه بيلمز

291

فئدئرالچیبو سونوجا وارماليًديًر

يوخسول ميللت داوار اوتارماليًديًر

يوخسا اوز يوردونو قورتارماليًديًر

اينانمايان اوتاييًميًزدان سورسون

ماشيًن قاييًرا بيلمير فابريک قورسون

292

فئدرالچی ايستيقلالچی اولماليًديًر

ايستيقلال ساواشيًنا دالماليًديًر

زوردان زورلا حاققيًنی آلماليًديًر

اونجه حاقلی اولدوغونو ثوبوت ائت

اولمه سناولدور کی،اوز حاققيًنا يئت.

16.10.2004