۶ - کيم ميلليدير، کيم يالانچی؟
کيم ميلليدير، کيم يالانچی؟
275
صنايی يوردو مئکانيزه ائدر
توپلوملاری پرولئتئريزه ائدر
قايدالاری دئموکراتيزه ائدر
ميللی اوز آياغی اوستونده دورار
ماشيًن قاييًرا بيلن فابريک قورار
276
فارسيستانيًن "صنايئلشمه"سينی
مدنييتی نين "گليشمه"سينی
ياشاييًش طرزی نين "دييشمه"سينی
سومورگه چی حوکومتی ساغلاييًر
تورکون گليشمه يولونو باغلاييًر
277 (اوتانماق دا ياخشی شئيدير.)
صنايئسيز ميللت ساوادسيًز اولار
ايستئدادی چيچکلنمز کی، سولار
فارسا لاييًق اولمايان ايشی بولار
بئله بير "آذربايجان" محصولونا
"خر" دئين فارس گرک تحقير اولونا
278
ميللی اولماق هر خالقيًن ايستکیدير
ميللتچی حوکومتی دستکيدير
خالقی دستکسيز ائدن اوسته کیدير
آشاغیًدان دوزدور، اوستن ايریدير
آلدادان آزديًران اوزگه خئيريدير
279
ميللی چاپديًرماز يوردون قازانجيًنی
چونکو يوردونا سوخماز يابانجيًنی
هم ده ايفشا ائيله ير يالانچيًنی
چاپيًلان يوردون سرمايه سی اولماز
اوزگه نين قازانجی قوربتده قالماز
280
اوزگه نين روشوتی ايمتيياز آلار
ميللی اخلاقيياتی درده سالار
يئرلشديکدن سونرا چاپماغا دالار
يادلارا چاپماق حاققی وئرن دوولت
چاپقيًنچیًلاريًن دوولتيدير، ميللت!
281
اوزگه نين سرمايه سی يوردو چاپار
روشوت ايله ياساللاشديًران تاپار
شوعورسوز ميللتين اوولادی ساپار
ساپديًران اوزگه نين سرمايه سيدیر
چاليًب- چاپماق اوزگه نين قايه سيدیر
282
ايشسيزليگی بئله ده چوزمک اولار
ايش وئرن اولکه يه گئتسه ايش بولار
قازانجی ايش وئرن اولکه ده قالار
نييه ايش وئرن سرمايه گوندرير؟
ايشسيزلری قاپيًسيًندان دوندرير؟
"آخداران تاپار،"
آلدانان ساپار.
283
ايمپئرياليستلره آييد صنايی
(آنا- فابريکا آدلانان صنايی)
ايستمز هئچ يئرده قورولا تايی
تابانلی لارا وئرر مونتاژ پايی
اوزگه قويماز يئرلی اينکيشاف ائده
ميللی اينکيشافيًن يولونو گئده
(آوروپانيًن گئتديگی يولو گئده)
24.07.2004