۵ - ايشغالا سبب اولان درده سالماز.

ايشغالا سبب اولان درده سالماز.

266

عدالتين سوزونه باخان يوخدور،
آغلار آرازيًم تکين آخان يوخدور،
ائرمنی تکين تورکو ياخان يوخدور.
     وطنی ايشغالدان قورتارماق بورجدور،
     دوشمن تکين سيلاحلانماماق سوچدور.

267

سيلاحلانديًريًب ساواشا دالان يوخ،
آغلار قاراباغی گئری آلان يوخ،
بير ميليون قاچقيًنی يادا سالان.   
     آمئريکا هر گون باکی يا گئدير،
     اوجوز نئفتدن کاريًنی حساب ائدير.

268

آمئريکا ايله روسيا ساواشيًر،
يوز ييرمی مين ائرمنييه ياناشيًر،
آذربايجانيًن جانيًنا داراشيًر.
     روسيا ائرمنييه تورپاق قازانيًر،
     آمئريکا نئفتلی ياتاق قازانيًر.

269

اودوزان روس آذربايجانی بولور،
تورک خالقی يوردوندان قووولور اولور،
اودان آمئريکا سئوينير گولور.
     آمئريکا دئيير تورک اولور اولسون،
     منه نئفت اولسون ساتيًم جيبيم دولسون.

270

روسيا ايشغالچی نيًن دردينی چوزور،
آذربايجانلی درد ايچينده اوزور،
سيلاحلانماق اومودو ايله دوزور.
     آمئريکا نئفت ايمتييازی آليًر،
     تورکه سيلاح ساتماييًر، درده ساليًر.

271

آذربايجان روسيادان يانا اولسا،
روسيا آذربايجانی ساتماز فارسا،
ايستر بوتوولشه، دوست اولا روسا.
     ايشغالا سبب اولان درده سالماز،
     ايشـغالچی ائرمنييه چپيک چالماز.
         (آراز ~بوتوو آذربايجان)

272   (آراز ~بوتوو آذربايجان)

اوتاييًن سيلاحی يوخدور ساواشا،
سيلاحسيًز آراز جوشا بيلمز داشا،
داشسا آيريًليًق عـومرو چاتار باشا.
     سيلاحلانسا فسخ اولار تورکمنچای،
     بوتوولشر حسرتلی اوتای بوتای.

     آی عومرقولو!
اينانما روس قولو حاکيمييته،
ساواشی اوغرادار مغلوبييته.
    (دئمه يين دئمه ديلر.)

273

حاق سوز سويله کی، دينه بيلمه سينلر،
آغيًللانديًر کی، مينه بيلمه سينلر،
سيلاحلانديًر کی، يئنه بيلمه سينلر.
     آلچاغی البته اوشاق دا مينر،       "أششکی مينرلر،
     مينيش وئريلمه سه مينن ده ائنر .  آلچاغيًنی اوشاق دا مينر."

274
آذربايجان ايراندان آيريًلاجاق،
بوتوولشديرن کورپو قايريًلاجاق،
گرکيرسه قيًليًنجلار سيًيريًلاجاق.      (ايستانبول شيوه سی)
     چاليًب- اوينادمايانا دف وئرمزلر،
     سيلاحلانديًرمايانا نئفت وئرمزلر.

20.07.2004  بالتاجی آراز