۳ - بوغارام فئدئراليست دوشسه اليمه.
بوغارام فئدئراليست دوشسه اليمه.
208
چوخ آز واخت قالدی کی، ايران قاريًشا،
سيلاحلانديًران روسيادان آيريًشا،
آمئريکا ايله شرطلی باريًشا.
آذربايجان ايراندان آيريًلماسا،
ايرانا سومورگه ائده جک "ماسا".
209
يوگوسلاويا دا ديليم - ديليم اولدو،
هر اولکه سی موستقيل ايقليم اولدو،
کيم اوچون کوسووايا ظولوم اولدو؟
کيم فئدئرالچی اولدو؟ کيم ائتدی؟ نييه؟
آرناووتلوق بوتوولشمه سيندئيه.
210
بولونموش اولکه تايلاری ياپيًشار
نئچه اولکه لی اولکه لر قاپيًشار
چاپيًلان ايستيقلال اوچون چارپيًشار
ايستيقلال لازيًمسا فئدئراليزم ندی؟
بوتای دنه مه دی، اوتای دنه دی
211 *- اونودماييًن!
هر نسيل بير سفر اينقيلاب ائدر*
باشاريًلی اولماسا اولار هدر
باشقا نسيل اونون يولونو گئدر
قوربان اولاجاقسان اول ايستيقلالا
فئدئراليزمين قوربانی اولما بالا
212
يوگوسلاويادا دا اللی ايل سوردو
دينجلديکدن سونرا آياغا دوردو
فئدئراليزمی ييًخدی ايستيقلال قوردو
اللی ايل بوشونا ساققال آغارتدی
چاپقيًنچی نيًن دردلرينی ساغالتدی.
213
فئدئراليزمی اوتای سيًنامادیًمی؟
يئتميش ايل بويونجا قيًنامادیًمی؟
آيريًلاندا "بورنو" قانامادیًمی؟
گئريچی ميللتلرين فئدئراليزمی
قويماز گرچکلشه ايستيقلال عزمی
تورکيه تورکچه سينده: مورتجی ~گئريجی
آذربايجان تورکجه سينده: مورتجهً ~ايرتيجاچی (~گئريچی)
214
دئوريم ياپيًلمادان فئدئراليزم اولماز
سون باهار گلمه دن گوللری سولماز
سيًنانيًلمادان دا اونجه سون بولماز
فئدئرالچی نسيل اولمه دن اونجه <
ايستيقلالی گرکديرمز دوشونجه
215 *- سوزونون اوستونده دور!
ساواشيًن هدفی فئدئراليزم اولسا
موقددس ساييًلماليًديًر اولوسا
آلچاغی تجاووز ائدر ناموسا*
اکيب- دوغانيًن بورجو بويوتمکدیر
توتدوغو يولو ساپمادان گئتمکدیر
216
فئدئرال اوردو بولوجو قوروماز
مرکزده کی دوولتدن حئساب سورماز
ناخيًرچی (- ميللتی - دوولتی) وورماز
بولوجو ايسته سه ايستيقلال آلا
ساواشماليًديًر کی، قلبه چالا
217
ايکی بايراقلی ميللت اولا بيلمز
بوتوولشمک آرزيًسی سولا بيلمز
جاهيلليدر دوز يولو بولا بيلمز
اوزونو درده سالان خالقيًن سهوی
ليدرين سهویدی، اولکه نين محوی
218 (ائلچی بی دوغرو دئميش.)
باشچیًميًز ائلچی بی فئدئرالچی دئييل
دئمه ميش فئدئرالچی اولا بير نسيل
دئميش ايستيقلال اوچون ياراد مئييل
آييًرديًغيًنيًز تايدا دوولتقورون
بوتوولشمک ايشينی اونه سورون
کئچميشين سهولرينی دوزلتمک
گله جگين موقددس ايشلريندن بيريدير
219
ائلچی بی ين دردی خالقيًن دردیدی
موستقيل دوولتدی، ميللی اوردودو
واحيد آذربايجان اونون يوردودو
ايستيقلال دوکتورو مممداميندیر
فئدئرالچی ائدن شووئنيست لئنيندیر
220
علمدن بسله نن تئورو سولماز
ايستيقلال ايسته ين فئدئرالچی اولماز
هدفينه ضررلی چاره بولماز
هدف تاريخی ضرورتدن دوغار
يولوندان ساپان تاکتيکينی بوغار
221
تاکتيک هدفيندن آسيًلی اولار
هدفينه چاتديًران يولو بولار
دوستون ضررلی قاناديًنی يولار
يوخسا ضررلی دوست کوتله نی بولر
بولونموش کوتله نين بيرليگی اولر
222
ضررلی دوس دوشمنه قوللوق ائدر
کوتله سی دوشمنين يولونو گئدر
خيانت ائدر ساپيًلديًغی قدر
دوشمنين ياپا بيلمه ديگی ايشی
ضررلی دوستلار ياپارلار، "آ کيشی!"
(چهرگانليًلار ياپارلار "آ کيشی!")
223
هر کس اوز ميللی خئيرينه دوشونور
آذربايجانلیقئيرينه دوشونور
اويونلاری نيًن سئيرينه دوشونور
چونکو گاه نالا، گاه دا ميًخا دويور
بوتايی فئدئراليزم يولوندا قويور
224
سنين قيًرخ ميليون اوجوز ايش گوجون وار
شاهلاری مات ائتمه گه کيش گوجون وار
دنگه پوزانلار ايله ائش گوجون وار
ايستيقلالچی اولسان ايستيقلال ايسته
سندن يانا ايسته گه دهً باش اوسته
باشقا درمان يئديريب ائتمه خسته
225 (دوشمانلاری تانی!)
دوشمن ايستمز کی، ايران بولونه
ايستر کی، آذربايجان محو اولونا
ضرر ديمه يه چاپديًغی پولونا
منيم ميللی ضرريمدن قازانا
سومورگه چيليگين عومرو اوزانا
226 (اولدوتدورنی اولدور!)
ايچ ائتکن اولايلارا يازقی يازار
ائدر، ياخود ائتمز اوزگه يه بازار
ياشادار، يوخسا دا کوکونو قازاز
او قدر تاجير اولدور ميللی اولسون
ميللی اولسا گوره وی بللی اولسون
ساتقيًن صينفی بوراخسان اوز حاليًنا،
يانارسان ائل- اوبانيًن احواليًنا.
227
ساتقيًن تورک هه دئدی تورکمنچايا
بيگانه فارس تکين باخدی اوتايا
فارس قدر ميللی دئييل وطن سايا
ايرانيًن بوتوولوگوندن ياناديًر
بولونموش اولکه سينه بيگانه دير
228
ميللی گلير اولکه ده قالماق اوچون
قورويوجو اوردوسو اولماق اوچون
قاراباغی قورتاريًب آلماق اوچون
آذربايجانا ايستيقلال گرکير
فئدئراليست کوله ليک توخومو اکير
229 *- 21.09.1345 - 12.06
خالقيًميًن باشچيًسی يوردسئور اولسا
قولام يحيا تکين ساتماسا روسا
سيلاحلانديًرانروس رقيبی بولسا
اوچ آی ايچينده باشلاديًب بيتيرر*
موستقيل اولماسا گئنه ايتيرر
سيًنانيًلميًش آذربايجان سيًنانماز
حاقليًنی سيلاحلانديًران قيًنانماز
230 (22.05.2006 بوجک دئمه دیمی؟)
فارس سويلو تورک سويلونو ائششک سانيًر
سببينی بيلمه ين تورک ... اوتانيًر
تاريخينی بيلن ... اود توتور يانيًر
فارس ايله دآوآميًز سوی دآوآسيًدیًر
تورک ايله دآوآميًز دئموکراسيًدیًر
231 *- تجروبه لردن سور!
دئموکراسی حاکيم اولسا ساواشا
عئينی حاققی وئرر باجی- قارداشا
نئچه صينيفدن اولوشموش سويداشا
دئموکراسی "حاق" وئرر حاکيم سويا*
کی اسير ميللتين گوزونو اويا
232
آذربايجان آيريًليًب دوولت قورسا
مينلر فابريکا قوردورار اولوسا
نئجه کی، فارسيستان قوردورور فارسا
خالقيًميًز شاد اولار، يوردوموز آباد
بوتوولشسه قاراباغ اولار آزاد
233
بوتای آيريًلسا قاراباغ قورتولار
سيلاح ساتان دوولته دستک اولار
يوخسا بامباشقا بير دستکچی بولار
سوکدورر دوشمن قوران فيرمالاری
دوشمن مالی آلماز کی، اولا کاری
234
ايلحاقچی گورسه کسينله شير خطر
دون دييشديرر کی، ائتمه يه ضرر
فئدئراليست اولار کی، ايچمه يه زه هر
زه هر ايچيرن ايستيقلالچی اولسا
يئنيلمز کی، قيًرخ- اللی ايلده سوسا
235 (شعار وئرمه، آغيًل وئر!)
خالقيًميًن دردی قئيرتسيزلشمکدی
دوشمنلرينه نيفرتسيزلشمکدی
بوتوولشمه گه حسرتسيزلشمکدی
آلدانار بيليکسيز ائل، بيليکسيز فرد
يادا ثروت يارادار اوزونه درد
(چاتلا باغريًم آرازا چکديرمه درد)
236
وطنيم ايکی عصيردير آغلاييًر
يوردسئور اوره کلرينی داغلاييًر
آراز آيريًليًق درديندن ديًغلاييًر
جانيًم قوربان وطنيمه، ائليمه
بوغارام فئدئراليست دوشسه اليمه.
10.04.2004