۱ - "اوتای، بوتای وطندير"
تانيًتماسام تانيًتمازلار تانيًيانی يانيًلتمازلار
اوتای ايله بوتای واحيد بير جان ديًر،
آدی اودلار يوردو آذربايجان ديًر.
حورمتلی يوردسئور سويداشلاريًم!
"چورک داشدان چيًخدی"، "پيشيريلدی"، "تيکه توتولدو" و چاپ اولماق اوچون
ابدی و دييشمز سون شکلينی بولدو. اومارام کی، سيز يوردسئور سويداشلاريًم
دا سوندوغوم بو کيتابيًن باسيًلماسی ايله ياييًلماسيًنا ميللی بورج اولاراق يارديًمچی
اولاجاقسيًنيًز. سوندوغوم "اوتای- بوتای وطندير." آدلی کيتابيًن چاپ حاققی سر-
بستدير. ساغ اولون! ميننتدارام. بالتاجی آراز 11.11.2011
____________________________________________
"... گونئی آذربايجان ايله ايرانيًن ايقتيصادی فرش تکين بير- بيرينه توخونوغو
اوچون بير- بيريندن آيريًلا بيلمزلر. تبريزين بازاری (يوخ، بلکه فارسيستانيًن
بير اوووج تورک سويلو کومپرادورو. - آراز) آذربايجانيًن ايراندان آيريًلماسيًنا
راضی اولماز." گوناز تيوی - ضيا صدرالاشرافی
هر خططی- حرکتين تاکتيکی هدفينه قوللوق ائدر. بوگونکو نئچه اولکه لی بوتوو
ايرانيًن بوتوولويونو (هدف) قورويا بيله جک سون چاره (تاکتيک) فئدئراليزمدير.
بوگونکو تورک سويلو فئدئراليستلر ده ايلحاقچی فارس شووئنيزمی نين دوغور-
دوغو پان- ايرانيزمين آغيًللی سيياسی تمثيلجيلريديرلر. بالتاجی آراز
فئدئراليست تورک رئفورم پئشينده گزر، (يون يوخ، دون دييشيمی)
دوزه نين دليک- دئشيگينی گوزر،
ائل- اوبا ساتانيًن دردينی چوزر. (ايمتيياز آرتيًشی)
فئدئراليست ايستيقلاليًن دوشمانيًديًر، (ايستيقلالچی =ميللی دئوريمچی)
ايچ دوشمن دوشمنلرين يامانيًديًر.
آی يوردسئور آذربايجانلی آييًل! (کیتابئن ۳۷۳- جو صحيفه سينه باخيًنيًز!)
ضيا بی اوچون اوتای وطن دئييل،* (هرجايی سرمايه نين وطنی اولماز.)
اونو مانقورت ائديب ايرانچی مئييل. (هرجايی ~منقول)
فئدئراليست اوزونو اوزگه يه ساتار،
(فئدئراليست باکيًنی کيرمانا ساتار،)
تاجير صينفی نين هاراييًنا چاتار. (ائل- اوباسيًنی تيجاری قازانجا فدا ائدر.)
*- بولونمز ميللتين ميللی وارليًقلاريًنا آييد مولکييت حاققی بولونمزدير.
"اوتای، بوتای وطندير"
آدلی سوندوغوم بو وطن بورجومو اولو خالقيًميًزيًن بوتوو
آذربايجان آرزوسونو و ايسته گينی يانسيًدان و يوردسئور
اورکلرده بوتوو آذربايجان بايراغيًنی دالغالانديًران گولوستان
پوئماسی نيًن ياراديًچيًسی اولان اولمز خالق شاعيريميز
بختيار موعليم واهابزاده يه ايتحاف ائتمک ايله بيرليکده
ميننتدارليًغيًمی بيلديريرم. بالتاجی آراز
بختييار موعليم دويغولانديًريًر،
وطن دردی ايله قايغيًالانديًريًر،
بايراغی اوره کده دالغالانديًريًر.
سن اوره کلری اوياد من بئيينی،
اويانان خالق قورتارار هر شئيينی.
_____________________________
هر کس هر نه يازيًب، ياخود دا دئييب،
نلری دوزلديب، ياخود دا اييب،
هانسی تاريخده، هاردا درده ده ييب،
هر شئيين نه اولدوغو بس- بلليدير،
باخ گور کيم يالانچيًديًر؟ کيم ميللیدير؟
سن دئدين ايشقال ائديب فارس، ائرمنی،
اوياد کی، قورتارا بيله وطنی،
بويله می قارشيًلاياجاقديًن منی؟
(کی تانيًيا بيلمه يه ايچ دوشمنی.)
آرازی بويکوت ائدنه ... عار اولسون!
بويکوتچولوغون جزاسی دار اولسون!
تورانچی تورکه بو کيتاب يار اولسون!
بويکوتچو تورک آرازيزمينی يايماز، (ميللی- دئموکراتيک ايدئولوژوسونو)
اوزونو سايمايانی کيمسه سايماز. (بويکوتچويا اينانيًلماز، گووه نيلمز.)
تانيًتماسام تانيًتمازلار،
تانيًيانی يانيًلتمازلار.
(رعييت ايله آغيًل آزديًران پوپوليست "آلچاق کونوللو" اولار.)
بو اثر ايستيقلاليًن کيتابيًديًر
هر بندی بير سورغونون جاوابيًديًر
بو اثر ميللی شوعورو بئجه ريب (بسله يه رک يئتيشديريب)
سيياسی بيليملری ده ايچه ريب
بو اثر کئچميشين تجروبه سيدير
آليًنان درسلرين "عوجوبه"سيدير
بو اثر ده اوز يئرینی بولاجاق
ديری گئت- گئده بللی اولاجاق
بواثری ياشادان ميللت اولمز
يوردو بولونمز، ميللی کوله اولماز
بو اثر خالقيًما يول گوستره جک
ايچ و ديًش دوشمنه قان قوسدوراجاق
بو اثر تايًسيًز تاريخسل اولايديًر
بويکوتچولاری آنلاماق قولايديًر
بو اثری تانيًتان يايان يوخدور
چونکو دوشمنلره خطری چوخدور
بو اثر دئييب کی، نئيله قيًنانما
شوعوردان قورخان "ليدر"ه اينانما
بو اثرده نه آختارسان بولارسان "آختاران تاپار."
سيلاحلانسان ايدئولوق اولارسان
بو اثری يئدير ميللی ساواشا
کی باشا گلنلر گلمه يه باشا
بو اثر قيًزيل سونان خزينه دير
قيًزيًلچی آنلايار کی، قيًزيًل نه دير
آرازيزم تورکون ميللی مکتبدير
ايستيقلال ساواشی نيًن طلبيدير.