۱۸۲ - دونيايا آذربايجان پنجره سيندن باخاليًم!
دونيايا آذربايجان پنجره سيندن باخاليًم!
(قارانليًغی گوممک اوچون گونش تکين شاخاليًم!)
آذربايجانچيًليًق ايله ايرانچيًليًق ايکی آيری وباريًشماز هدفلری ايچه رن قاورام-
لارديًرلار:
۱ - آذربايجانچيًليًغيًن هدفی آذربايجانيًن باغيًمسيًزليًغی ايله بوتوولشمه سيدير.
۲ - ايرانچيًليًغيًن هدفی بولونمز يئرلی تورک ميللتی نين آنا يوردو اولان آذربايجانی
قوردوراجاغی نئچه اولکه لی فئدئرال ايرانيًن ترکيب حيسسه سی کيمی آسيًلی
قيًلماق و ايستيقلالچی و بوتووچو تورک ميللتينی فئدئرال ايرانيًن مرکزی دوو-
لتينی اولوشدوراجاق اوزگه ميللتلرين قويروغو ائتمکدير.
يعنی سومورگه چيليگين آلداتيًجی ايکينجی فورماسی اولان فئدئراليزيمين يارديًمی
ايله هم بولونمز تورک ميللتی نين ميللی وارليًغی ساييًلان يوردونونو يوردونون
ستراتئژيک ميللی ثروتلری نين (مرکزين اييه لنه نه جگی مادی واينسانی گوجو-
نون) يازقيًسيًنی، هم ده ايقتيصادی- سيياسی- کولتوره ل باخيًميًندان ميللی اينکيشا-
فی نيًن يازقيًسيًنی فئدئرال ايرانيًن مرکزی دوولتينی اولوشدوراجاق اوزگه ميللتلر
(مرکزه حاکيم فارس ميللتی ايله مرکزدن آسيًلی اولاجاق اوزگه ميللتلر) يازسيًنلار.
يعنی بوگونکو نئچه اولکه لی ايراندا يئرلی آذربايجانلی فئدئراليست تورک ايران-
چیًديًر، آذربايجانچی دئييلدير و فئدئراليست قالاجاغی سوره جه ده آذربايچانچی
اولا بيلمز.
۳- آذربايجانچی(ايستيقلالچی و بوتووچو) اولان يئرلی آذربايجان تورکو ايله آذرباجانا
کوچموش قئيری تورک ائتنيکلر اوزلرينی آذربايجانلی تانيًيارلار و تانيًماليًديًرلار.
نئجه کی فارسيستانچی يئرلی فارس ايله فارسيستانا کوچموش قئيری فارس ائتنيکلر
(مثلن ديل حاققی ايسته ين يزد تورکلری و اوتونومی ايسته ين قاشقای تورکلری)
اوزلرينی فارسيستانلی و فارسيستانيًن قاشقاييستانليًسی تانيًيارلار و تانيًماليًديًرلار.
۴ - بوگونکو نئچه اولکه لی ايرانا فئدئراليزم ايسته ين آذربايجانيًن يئرلی تورکلری
ايستکلرينه صاديق قالديًقلاری سوره جه آذربايجانلی و آذربايجانچی يوخ، بلکه
پان- ايرانيست آنلاميًندا ايرانلی و ايرانيًن آذربايجانليًسی ساييًلارلار و قوردقلاری
او جومله دن قلم انجمنی ده "ايران آذربايجانی نيًن قلم انجمنی" آدلانماليًديًر.
يوخسا چليشکيلی دوشونمک ايله "هم آخيًردان، هم توربادان يئمه گه" يول وئريلمز.
۵ - تورک ديلينی اولدورمک ايسته ين شووئنيست فارس ميللتی نين دوولتينه دولايلی
اولاراق قوللوق ائتمک اوچون اثرلرينی فارسچا يازميًش او جومله دن دکتر براهنی
کيمی تورکسويلو يول گوسته ريجی نين کئچميشده اتئديگی گوناهلاريًنی آنجاق
ايستيقلالچی و بوتووچو اولا بيله جک ايستکلری ايله عمللری يويا بيلرلر.
"گونئی آذربايجان قلم انجمنی"نين اويه سی اولان بوگونکو فئدئراليست براهنی نين
قالديًرديًغی بايراق آذربايجانچيًليًق بايراغی يوخ، بلکه ايرانچيليًق بايراغيًديًر و
او بايراقدان سورسان دئير: دئير ديل حاققيًنی وئر کی ساپماسيًن(يعنی رئفورم
ائت کی، دئوريم ياپماسيًن،)، چاپديًغيًن يوردو ايراندان قوپماسيًن.
09.10.2011