۱۸۰ - آذربايجانچيًليًق ايستيقلال ساواشی نيًن ايدئولوژوسودور.
آذربايجانچيًليًق ايستيقلال ساواشی نيًن ايدئولوژوسودور.
جناب عليرضا بی عسگرزاده، بيزتورکلرده باديًمجان دئييليک کی، سيزين عاليم
سانديًغيًنيًز آکادئميکلر بيز تورکلری تعريف ائده لر. 05.10.2011 بالتاجی آراز
- "آذربايجان" اولکه ميزين آديديًر. "آذربايجانلی" آذربايجاندا ياشايان يئرلی تورک
ميللتی ايله قئيری تورک کوچمن ائتنيکلره منسوب آذربايجان وطنداشیًديًر.
آذربايجان تورکونون موقددس ديلی دييشمدن اونجه يه دک کيمليگی "تورک"دور.
تورک اينسانی نيًن ديلينده يازيًلان و سويله نن ادبيياتيًن آدی "تورک ادبيياتی"دير.
تورک اينسانی نيًن ديلی نين آدی "تورکجه"دير.
آذربايجانيًن دانيًشماغا ديلی يوخدور. آذربايجانيًن قورباغاسی نين، سئرچه سی نين،
بولبولونون دانيًشديًقلاری ديللر تورکجه دئييلديرلر. آذربايجاندا، توراندا دانيًشيًلان
تورکجه قئيری تورک ائتنيکلرين ده ديللری دئييل، آنجاق تورک اينسانی نيًن ديليدير.
- او جومله دن بوگونکو آذربايجانيًن قوزئيينده تورکو تورکدن آييًرماق ايسته ين
روس مافياسی، ايقتيداردا اولدوغو اوچون رسمی اولاراق "تورک ديلی"نی
"آذربايجانديلی" آدلانديًرماقداديًر کی، نه فقط موباريزه نتيجه سينده مغلوبييته
اوغراياجاقديًر، بلکه آذربايجاندا ياشايان فرقلی ديللرين بير- بيريندن فرقلنمه سينی
گرکديرن فرقلی آدلار دا روس ميللی نين بو آنتی تورک سيياستينی ايفشا ائتمکده دير.
- "تورکچولوق" ساواشی نيًن هدفی آذربايجانی دا ايچرن نئچه اولکه لی تورانيًن
ديًشيًندا قوناق اولاراق ياشايان تورک کوکنلی ائتنيک اوچون اداره حاققی ايله ديل
حاققی نيًن ياساللاشماسيًديًر.
- تورکچولوق ساواشی نيًن هدفی تورک ميللتی اوچون ميللتچيليًق ايله ميللتچيليغين
دوغوردوغو آذربايجانچيًليًقديًر.
آذربايجانچيًليًغيًن هدفی تورک ميللتی نين ايستيقلالی و ايستيقلاليًن دوغوراجاغی
تورپاق بوتوولويودور. يعنی بوتوو آذربايجان ديًر.
- آذربايجانچيًليًق کيمليک دئييلدير، ايستيقلال ساواشی نيًن ايدئولوژوسودور.
- تورانيًن ديًشيًدا قوناق کيمی ياشايان تورک کوکنلی کوچمن تورکون وئرجه گی
"هارای، هارای من تورکم!" شوعاری تورکچولوق آنلاميًنداديًر. او شوعاريًن
آماجی و نتيجه سی تورک کوکنلی ائتنيکين بورولموش ديلی نين رسمی اولماسی
ايله اراده صاحيبی اولان "قوناقپرور"ميللتدن آلا بيله جه گی اداره حاققیديًر.
(گميچی نين گوزونو چيًخارتماق اولماز.)
- آذربايجانلی تورکونون آذربايجانيًن گونئيينده وئرديگی "هارای، هارای من
تورکم!"شوعاری ميللتچيليق ايله آذربايجانچيًليًق آنلاميًنداديًر.
او شوعاريًن هدفی هر دالدا اوز يازقيًسيًنی اوزو يازاجاق ميللی اراده نين
حاکمييتیايله ايشقال اولموشو ال قويولموش تورپاق مسئله سی نين حلليدير.
- يعنی آذربايجانيًن ايستيقلالی ايله ايستقلاليًن دوغوراجاغی بوتوو آذربايجانديًر.
ائله اونا گوره ضرورتلرين دوغوردوغو بوتوو آذربايجانچی ائلچی بی تاريخی
ليدر اولاراق آذربايجانچيًليًغيًن ان بويوک سمبولودور.
- قاجار ايمپراتورلوغونون سونونا دک، يعنی سئکسن بئش ايل اونجه يه دک، ۱۹۳۳
دن بری "ايران" آدلانان نئچه اولکه لی اولکه يه تورکلر حوکومت ائتديکلری
اوچون آذربايجانچيًليًق سوز قونوسو دئييلدی و اولا بيلمزدی.
فارسيستانين سومورگه سينه دونوشموش آذربايجانيًن قورتولوشو آذربايجانچيًليًغی
سوز قونوسو ائتدی . (وطنينی ايتيرميش ... يزد تورکو آذربايجانچی اولا بيلمز.)
- آنتی قاديًن و آنتی اينسان دينينه صاديق قالان اوممتچی(ايرتيجاچی) و آنتی تورک
شئخ محمّد خيابانی دا ميللتچی يوخ، دولاييًسی ايله آذربايجانچی يوخ، بلکه اولکه-
ميزين آدی نيًن کوکو قازيًلماسی بهاسيًنا "آزاديستانچی" اولا بيلردی کی، اولدو.
آذربايجانيًن ايرتيجاسيًنی تمثيل ائدن اوممتچی خيابانی هم ده "آزاديستانچی" اولدو
کی، آذربايجانيًن قوزئيينی ايشقالچی روسيانيًن اسارتيندن قورتارميًش و آذربايجانيًن
بوتوولشمه سينه زمين يارادميًش ميللتچيليق ايله ميللتچيليگين دوغوردوغو آذربايجان-
چيًليًغيًن دا کوکو قازيًلسيًن. (گاموح دا قوندارما بايراق ايله ميللتی و حرکتينی بولور.)
- پيشه وری ميللتچی و آذربايجانچی اولماسايدی، ايرانچی آنلاميًندا موختارييتچی و
فئدئراليست اولاردی کی، ميللتينه ميللی اراده حاققی يوخ، بلکه ائتنيکه وئريله بيلن
اداره حاققی ايله بورولموش ديل حاققی آلا.
- پيشه وری ميللتی نين ميللی اراده سی و ميللی تورپاغی نيًن ايستيقلالی اوچون تورکچو
آنلاميًندا ميللتچی و ميللتچيليگين دوغوردوغو آذربايجانچی ايدی کی، اسارتده ياشايان
مللتی نين ميللی اراده سی ايله ايشقال اولموش، بولونموش و ال قويولموش ميللی تور-
پاغيًن قورتولوش هاراييًنا چاتا و الده ائديلميش قازانجلاری ميللی اوردونون يارديًمی
ايله قورويا. گوله شن ييًخار، ييًخيًلار. اونملی اولان هدفدير، اورنک اولماقديًر.
- پيشه وری سوسياليستی اينقلاب اوچون کوممونيست ايدی و کمونيست اولدوغو اوچون
او جمله دن اوره تيم گوجلری نين گليشمه سينه يول آچا بيلن ميللی بورژووازی نيًن،
اکينچی کسيمِی ايله قاديًن صينفی نين ميللی و صينفی حاقلاريًنی فئودال ياپيًلی گئريچی
(ايرتيجاچی) و ساتقيًن صينفلره يئديرمه دی. ...
- آنا ديليميزی، يوردوموزو، ميللی منفعتلريميزی، خالقیميًزيًن اينسانی حاقلاری ايله
امگينی قوروماق اوچون دوشمنلريميزين اويونجاقلاری يوخ، بلکه آشيًری درجه ده
(~يوزده يوز) تورکچو، آذربايجانچی ايله تورانچی، ميللتچی و کمونيست اولماليًييًق.
25.09.2010 بالتاجی آراز