۱۷۸ - عدالت سيز ميللی ايستيقلال چوکر.
عدالت سيز ميللی ايستيقلال چوکر
عدالت سيز ميللی ايستيقلال چوکر
چونکو قارداش، قارداش قانيًنی توکر
ايستيقلال سيًز اولکه نی اوزگه چاپار
سوموک گميرن صينفی ائدر نوکر
چاپيًلان سرمايه اولکه ده قالسا
يول سالار، فابريک قورار، ائو ده تيکر
صينفی ريفاه ميللی ريفاه دان دوغار
اولکه آباد اولسا خالقی کئف چکر
يوردونو ساتديًريًب سوموک گميرن
ميللی کوله ليک توخومونو اکر
هرجايی سرما يه نين تمثيل چیسی
ميللی دوشمن تکين ميللیدن اورکر
ميللی بورژووازی دئموکرات اولار
ميللی ايستيقلال اوچون زحمت چکر
بورژووازی سيلاحلانديًرسا خالقی
ميللی دوشمن لرين بئلینی بوکر
آرازيًن دا اولچوب- بيچديکلرینی
اينانيًرام کی، بير گون خالقی تيکر.
08.01.2005