۱۷۷ - هارايا چاتان يوخدور.
هارايا چاتان يوخدور
آراز تکين بولبول اولوب اوتن يوخ
اوره گی يانان ياخيًلان توتن يوخ
آراز خالقی نيًن فيکرینی سويله يير
ندن فيکير سوروسونه قاتان يوخ؟
آراز خالقيًندان آليًب- سوندوقلاری
ميللی ايدئولوژودور، دستان يوخ
آراز ميللی دردلره چاره بولوب
ياييًملايان، الشديرن، دارتان يوخ
تورک فارسيًن، آراز دا گئريچی تورکون
بوغازيًندا قاليًب، اودوب- آتان يوخ
من ثبوت ائتديم کی،فئدئرالچی کيمدیر
سونوجلانديًران سببدیر،بوهتان يوخ
ايستيقلالچی اولمايان ميللی دئييل <
70 ايلليک درسدن سونرا ياتان يوخ
ايرانچی دا پلاتفورمونو سونور
ميللی اولماديًغيًنی آنلادان يوخ
دوستو دوشمن، دوشمنی دوست تانيًتما
هر شئی اورتادادی، ايتيب- باتان يوخ <
ايچ دوشمن ايچدن ييًپراديًب-چورودر
افشا ائتمک اوچون آدديًم آتان يوخ
گئريچی فيکير علمين دوشمنيدیر
تئکنولوژويا زمين يارادان يوخ
(باغيًمسيًزليًغا تابان يارادان يوخ)
ميللی قورتارار،صنايئلشديرر
قورتولموش فينلانديانی ساتان يوخ
کيم ميللیدی؟ کيم يالانچی؟ نه اوچون؟
سورغولاريًن هاراييًنا چاتان يوخ
حاقسئور خالقيًميًن ياغيًشی ياغسا
گورونر کی،حاقدان باشقا بيتن يوخ
شومدا شيًللاق آتماغی دا اويردن
آراز تکين ايدئولوق بالتان يوخ.
(بالتالايانلاری سن ده بالتالا!)
22.12.2004